影片
更多
2012-05-09
17 瀏覽
態度勁寸我係買左團購, 預早10日book位, 到左食飯當日, 下午打比我confirm, 問我係買新定舊, 都唔知佢講乜, 聽電話個女人態度好寸, 佢話我地搞左兩次團購, 你買新定舊架? 問我係新定舊, 我點知你搞左幾多次團購呢? 唔講清楚點知你講咩新舊呢?好啦, 咁我地早左20分鐘去到, 太子mtr行過去身水身汗我 : 我book左6:30pm, 早到左, 可唔可以入去坐住先?佢 : 你齊人未先? 拿…我地booking好full架, 一陣要請你地走就唔好意思 佢講呢番說話係好冇禮貌好寸咀刁難人咁, 咁我地都係早少少到, book左四位, 三位都到左, 仲有一位已經黎緊, 我想話我地都係早左20分鐘, 乜佢仲會比我地預留的檯其他人咩? (入面有幾檯食緊, 有幾張吉檯)其實佢地安排得真係好差, 到坐低左, 伙記姨姨又係問我新定舊, 根本我就唔肯定我係新定舊, 門口個女人同我講左一輪應該知啦, 又唔話比伙記知, 幸好伙記姨姨態度好好, 我同佢都好無奈, 員工食客都搞到駝駝擰, 間舖又細檯唔多, 冇咁大個頭就唔好戴咁大頂帽啦, 仲有應該搞另一次團購要同前一次分開日子, 唔好撞埋一齊就唔會
我係買左團購, 預早10日book位, 到左食飯當日, 下午打比我confirm, 問我係買新定舊, 都唔知佢講乜, 聽電話個女人態度好寸, 佢話我地搞左兩次團購, 你買新定舊架? 問我係新定舊, 我點知你搞左幾多次團購呢? 唔講清楚點知你講咩新舊呢?
好啦, 咁我地早左20分鐘去到, 太子mtr行過去身水身汗
我 : 我book左6:30pm, 早到左, 可唔可以入去坐住先?
佢 : 你齊人未先? 拿…我地booking好full架, 一陣要請你地走就唔好意思
佢講呢番說話係好冇禮貌好寸咀刁難人咁, 咁我地都係早少少到, book左四位, 三位都到左, 仲有一位已經黎緊, 我想話我地都係早左20分鐘, 乜佢仲會比我地預留的檯其他人咩? (入面有幾檯食緊, 有幾張吉檯)
其實佢地安排得真係好差, 到坐低左, 伙記姨姨又係問我新定舊, 根本我就唔肯定我係新定舊, 門口個女人同我講左一輪應該知啦, 又唔話比伙記知, 幸好伙記姨姨態度好好, 我同佢都好無奈, 員工食客都搞到駝駝擰, 間舖又細檯唔多, 冇咁大個頭就唔好戴咁大頂帽啦, 仲有應該搞另一次團購要同前一次分開日子, 唔好撞埋一齊就唔會自己亂又搞倒d客啦
講到食, 牛肉餅, 雞絲粉皮, 沙鍋雲吞雞, 牛腩都好食, 牛腩夠”林”, 少d油更好, 炒飯粗炒都好多油, 如果唔係態度奇差, 我都會再想去食牛肉餅, 就算正價都唔係好貴, 要去都只係會去另一分店
張貼