玉子造屋 (已結業)

今晚得自己一個人，收工後就嚟到公司附近的將軍澳中心食飯，搵到呢間專食玉子料理的玉子造屋。呢到用膳環境算唔錯，坐位都好闊落。晚餐有8個丼選擇，基本上全部都有配撘到玉子，如果唔想食呢8個丼，都另一個餐牌，選擇兩款唔同配撘食物的丼。點左一客極上牛舌丼，份量唔多，好細碗，大食的男生就可能有機會唔夠食，每塊牛舌係薄切，咬感就一般，有個甜甜地的醬汁撘救，非常惹味。而主打的玉子真係唔錯，半流心，咬落半生熟，蛋汁混合埋飯更好食！整體不過不失。