更多
2007-07-13
107 瀏覽
鍾意食日本咖喱,貪佢甜甜地唔太辣,配上日本珍珠米白飯簡直一流。自從某次黎食過之後就愛上了,係美食廣場度有兩間食咖喱既,呢間有套餐,包麵鼓湯同飲品,感覺較抵。日本咖喱飯通常都係配勁熱氣既炸物,今次我地叫左兩個餐share,一個吉列豬扒炸蝦,一個海鮮,海鮮果個仲送一個大薯餅,口味任擇,我地揀左蟹柳粟米味,不過就凍左D。個人覺得日本咖喱飯同吉列豬扒炸蝦最夾,可能食慣左,呢度既炸物都係即炸既(除左薯餅),新鮮香脆,同埋D汁一定夠撈飯,唔會乾爭爭。至於海鮮餐,有魚,蝦,蠔,都幾足料,細佬都話好食!其實呢個city super既美食廣場有好多選擇,下次黎可以試埋其他,見到有人食炒麵份量多到成座山咁,真係要多幾個人分先得喇!唯一美中不足係坐得麻麻舒服,同埋要預左人多時要等位/被等!
日本咖喱飯通常都係配勁熱氣既炸物,今次我地叫左兩個餐share,一個吉列豬扒炸蝦,一個海鮮,海鮮果個仲送一個大薯餅,口味任擇,我地揀左蟹柳粟米味,不過就凍左D。
個人覺得日本咖喱飯同吉列豬扒炸蝦最夾,可能食慣左,呢度既炸物都係即炸既(除左薯餅),新鮮香脆,同埋D汁一定夠撈飯,唔會乾爭爭。至於海鮮餐,有魚,蝦,蠔,都幾足料,細佬都話好食!
其實呢個city super既美食廣場有好多選擇,下次黎可以試埋其他,見到有人食炒麵份量多到成座山咁,真係要多幾個人分先得喇!唯一美中不足係坐得麻麻舒服,同埋要預左人多時要等位/被等!
張貼