星加坡餐廳 (已結業)

我就只係食過呢度啲早餐。早餐由$15蚊-$25蚊(而家做特價)，我推介羅宋湯通粉(特價後$20)，可以再加餐肉煙肉煎旦之類其中兩樣。個湯都算濃，份量夠(我男仔都食得飽，通常食呢個連湯都飲埋)。但係雞絲湯河就麻麻，我一夾起啲河粉已經覺得唔妥，一食落去係硬身嘅，應該係炒河粉嚟，湯河粉應該係幼啲同埋淋啲嘅，佢地連呢啲都唔分又實係幾唔專業。我見好多食評話佢服務差，我又唔多覺，可能因為我地食早餐冇乜人。