月瀧天 (已結業)

太太有團購優惠，60元一位就有個任食午餐，基本上係無左日本菜啫，可接受！由於已訂位，一去到就可以就坐，但第一輪點選的菜等了超過15分鐘，可能廚房師父未上力，或者個鍋未燒熱掛，不過第一輪過後就好好多，接著入的ORDER紙，10分鐘內都可以到，而且無漏單，反而成日俾多我添，可能食左其他枱的點菜，大家記得寫枱號寫得清楚些吧！服務OK，換碟換得好密，但係傳菜的人就麻麻，成日飛碟，或者將碟菜放在枱邊就走左去！講完服務，都要講下食物質素，基本味道可接受，炸物多了點，煮物油了點，由於全枱不吃辣，辣物不詳，可推介的會係蔗蝦、雞絲粉皮、湯河同埋咸檸水，似乎東南亞菜式比中式菜做得好，以60元來說，絕對叫超值，好多中價菜館都未必有佢咁好食。最後都想表揚當日換碟那位小姐，佢好勤力，而且主動同客人講下野，問下客人夠唔夠食，抵讚。另外，希望店舖改善一下佢個甜品櫃，放正係大門，但攞甜品的櫃門卻在客戶坐位後面，攞甜品極不方便，而且有時仲撞到其他客人，好唔好意思嘛。