影片
更多
2013-09-08
137 瀏覽
突然又想吃日式放題，睇完openrice，咁多好評，又話有信心，就去試試，有無攪錯，誤導食眾。 任食2小時，時間好重要，order了食物，好多食物等了接近一小時都未到，以為漏單於是補點，真係估佢唔到突然一次過嚟哂2 round食物，最慘一直以為漏單，所以2 round點嘅嘢相同，張枱又細，攪到滿枱都係相同食物，都未食到5份1，就話夠鐘last order，咁即係點? 食唔哂又話要賠錢，即係迫住唔可以叫第3 round....究竟係咪店舖察略㗎？ 眼見待應得2個，忙到失暈，你忙唔緊要，我追單、order你都應下我吖！坐係到無人理，等到待應得閒應嘞，就態度嚴重惡劣。嬲完一輪，到講這𥚃的食物，甜蝦剌身咪又係自已剝殼，真係唔覺得別甜，10隻有9隻蝦頭都有一大堆綠色物體，夠竟食唔食得㗎?! 刺身咪又係間間放題店都有的劍魚、赤貝、帶子、三文魚剌身囉，不覺特別新鮮同特別。壽司咪又係一樣囉，啲飯咪又係咁鬼大舊，最大問題係散嘅，點夾呀? 芝士焗蠔，蠔焗完超縮水，芝士? 點解無芝士味? 係蠔出水、還是芝士溝水呢?...溏心蛋? 面的顏色唔均衡，裡面過熟，呢啲唔係叫溏心囉！串燒真係令人更失望，燒到乾身又
突然又想吃日式放題，睇完openrice，咁多好評，又話有信心，就去試試，有無攪錯，誤導食眾。
任食2小時，時間好重要，order了食物，好多食物等了接近一小時都未到，以為漏單於是補點，真係估佢唔到突然一次過嚟哂2 round食物，最慘一直以為漏單，所以2 round點嘅嘢相同，張枱又細，攪到滿枱都係相同食物，都未食到5份1，就話夠鐘last order，咁即係點? 食唔哂又話要賠錢，即係迫住唔可以叫第3 round....究竟係咪店舖察略㗎？ 眼見待應得2個，忙到失暈，你忙唔緊要，我追單、order你都應下我吖！坐係到無人理，等到待應得閒應嘞，就態度嚴重惡劣。
嬲完一輪，到講這𥚃的食物，甜蝦剌身咪又係自已剝殼，真係唔覺得別甜，10隻有9隻蝦頭都有一大堆綠色物體，夠竟食唔食得㗎?! 刺身咪又係間間放題店都有的劍魚、赤貝、帶子、三文魚剌身囉，不覺特別新鮮同特別。壽司咪又係一樣囉，啲飯咪又係咁鬼大舊，最大問題係散嘅，點夾呀? 芝士焗蠔，蠔焗完超縮水，芝士? 點解無芝士味? 係蠔出水、還是芝士溝水呢?...溏心蛋? 面的顏色唔均衡，裡面過熟，呢啲唔係叫溏心囉！串燒真係令人更失望，燒到乾身又硬，小啲牙力真係𡁻唔爛囉！最慘係凍嘛！
張貼