磨坊咖啡室 (已結業)

唉！朋友推介，加上之前食評，又加上開飯有優惠券，咪去試試囉，點知………中計！加了價，用埋優惠券都要$151一個人，可能居士遇人不熟，朋友又話好味好多野食，我入到去一眼望落去，真係好難想像，“好多野食”點都無可能用在這間餐廳算，有魚生，得兩款，任你幾鐘意食魚生，你都無可能食成粒鐘掛；有翡翠螺，但係質素很差，半數以上有沙；有沙律，全部係平價菜，無桃和菠蘿；熱食有8盤，無樣好食，旁邊一枱有位阿姐，佢笑笑口同佢朋友講，話佢煮仲好食；雪糕係大家推介的MOVEPICK，但我覺得味道好淡，不過這個是個人口味問題，雪糕係無問題的，仲有4種味道；甜品不提也罷，無樣好食，連簡單的啫喱都可以做得唔好食，而有評家話的曲奇，好奇怪，同坊間話好味的曲奇完全唱反調，鬆散！難以形容的甜味！若要我講有咩野食多過一轉………我諗會係咖喱角吧！埋單每位151……有點肉痛，居士覺得100都唔值！唯一係服務唔錯囉。