Dressed (已結業)

嗰晚買咗7點場睇戲，見5點幾冇嘢做搵個地方hea下，經過呢間cafe，見佢環境舒服，仲有無敵海景，飲品價錢合理，所以都幾爆場。但呢度d職員態度懶散，掛住自己傾計唔執檯。我哋叫佢執檯，佢哋就扮聽吾到，叫咗幾次先肯嚟仲咀扁扁。Fresh Lemonade : 廿幾蚊，味道對板，西式，飲得出真係新鮮檸檬汁，甜度啱啱好，令我回想起以前係 Florida Disney World 飲嘅 Lemonade。Turkey and Cheese Sandwich : 好似係約$60，order 後店員立刻由雪櫃攞出嚟再加熱，但係我覺得個店員求求其其，加熱時間不足，所以內裡仲係凍冰冰嘅;Turkey and cheese 味道好夾，用嘅係火雞火腿而唔係火雞肉，如果個包可以熱d令到D芝士溶溶地，肯定仲正。