Rico Rico

營業中

休息中

餐廳裝潢有點格調，座位好闊落，坐得舒服。西班牙青椒 & 白毛豬火腿薯球餐廳Tapas選擇幾多，青椒好大碟，口感爽脆，調味剛好，而薯球外層炸得好香脆，薯蓉幾綿密，加入火腳帶點咸香，唔錯。西班牙黑毛火腿 & 三款芝士拼盤拼盤分別有西班牙黑毛豬辣肉腸、豬肉腸及火腿，共4款。另外會配搭薄多士片，多士烘得好脆身，可以同蕃茄蓉一齊食。而芝士有3款(Manchego、Camembert & Saint Maure)，配搭松露蜂蜜好吃!加利西亞八爪魚八爪魚幾彈牙，份量都唔少，最底嘅薯蓉帶點芝士香，而面頭鋪咗沙律菜，幾清新。招牌香烤脆乳豬一切落去就feel到乳豬外層非常脆身，肉質好嫰滑，旁邊嘅炸薯亦好香脆，好好食呀！泡芙雪糕 & 巴斯芝士蛋糕甜品幾有驚喜，泡芙幾酥脆，中間夾住雲呢拿雪糕，最頂沾上黑朱古力，好夾呀！而巴斯克芝士蛋糕好香滑，口感非常綿密，甜度亦剛好，好吃！仲點咗杯Red Sangria & White Sangria，兩款都充滿水果香，而且好易入口。整體餐廳環境及食物質素唔錯，個人幾喜歡Tapas選擇夠多，好啱約埋朋友邊飲番杯邊傾計。