Te Quick Pasta & Herb Tea (已結業)

睇完意大利戲之後，好想食pizza，但california又食過，唯有食pasta啦。呢間其實係日本洋食店，megabox都有間，但冇人幫襯，呢度就多人好多，兩個地區的消費者始終唔同嘛。我地叫左一個吞拿魚茄汁意粉同一個明太子意粉。我終於明白意大利人點解要用肉醬配茄汁啦，因為吞拿魚的確唔太夾，佢仲煮到咁乾，覺得ｄ魚更鞋。個明太子意粉粉紅色，好怪，但味道就唔錯喎，有少少辣味，幾好味。個蒜蓉包都好香，而且份量都唔少喎，我仲以為好少添，但賣到五六十蚊都係貴左ｄ。