全家素食餐廳 (已搬遷) 新店位置

星期天做完義工，差不多已晚飯時候。便約老爸媽吃好嘢！老媽話想吃Ｄ特色食品，我立刻上網找，看到有間食素食餐廳，就去試試。室內環境裝修簡約，坐位舒適。細看餐牌菜式同普通茶餐廳無異，再問店員食物是否全素的，他說是用素食材來製造。我們點選糖醋芋頭魚，蓮藕餅，涼瓜鰻魚，栗子雞煲｡每碟分量十足，差Ｄ吃唔晒，從未試過吃得太過飽每晚仲有例湯，今晚是紅菜頭湯，飲落清舐，湯料十足。絕無味精……係度吃飯好像住家感覺每樣餸食得出師傅的精心傑作，蓮藕餅餡内加入粟米，馬蹄粒，咬下香味爽口。涼瓜鰻魚用咗腐皮卷成外面圍成－層紫菜炸，香口唔肥膩栗子雞煲……Ｄ栗子好鬆化好香，雞同樣用腐皮製成，好有咬口。今餐食得好滿意！忘記有位店員值得－讚，全晚笑容可鞠，就算有食客有點不滿，都笑臉迎人