影片
更多
2009-10-15
31 瀏覽
OCT 7, 2009 (WED) 昨晚專登醃咗一大舊鹹瘦肉，諗住今晚煲瑤柱皮蛋鹹瘦肉粥，所以嚟買D油器返去送粥先！炸油條 $5、牛脷鬚 $5 、蒸蘿蔔糕 $7、叉燒腸 $11 去到都成5點半，仲見到炸緊牛脷鬚，脹卜卜真係好得意，真係見到就想食喇！等一等買件新鮮出爐嗰啲先！甜甜地、脆脆地，真係好食到無比呀！條油炸鬼雖然係喺個保暖櫃拎出嚟，但依然好熱好脆，真係唔少得佢喇！睇吓睇吓，發現有蒸蘿蔔糕，咁就買一件食先，因為好少地方有得賣，件蘿蔔糕唔係好大件，不過用料好足，好多蘿蔔絲，真係好香蘿蔔味，唔會好多粉，真係食得好滋味呀！叫咗一碟叉燒腸，個呀姐幫我包好哂所有嘢先話我知係即蒸嘅！而家同我去蒸，吓！咁就一早蒸咗先包其他嘢喇！等等等，都係去行一陣先返嚟拎，本來以為要俾錢先，不過呀姐話拎先嚟俾喇！又好似幾好喎！唔驚唔返嚟咩！HEHEHE！碟叉燒腸非常多叉燒，啖啖均可以食到，不過D粉就略厚，但都唔算太厚la！走時見到坐門口個客食緊一舊炸蘿蔔糕，成磚咁好吸引，有機會一定要試吓！下次要試吓個咸煎餅 & 炸煎堆！
昨晚專登醃咗一大舊鹹瘦肉，諗住今晚煲瑤柱皮蛋鹹瘦肉粥，所以嚟買D油器返去送粥先！
炸油條 $5、牛脷鬚 $5 、蒸蘿蔔糕 $7、叉燒腸 $11
去到都成5點半，仲見到炸緊牛脷鬚，脹卜卜真係好得意，真係見到就想食喇！等一等買件新鮮出爐嗰啲先！甜甜地、脆脆地，真係好食到無比呀！
條油炸鬼雖然係喺個保暖櫃拎出嚟，但依然好熱好脆，真係唔少得佢喇！
睇吓睇吓，發現有蒸蘿蔔糕，咁就買一件食先，因為好少地方有得賣，件蘿蔔糕唔係好大件，不過用料好足，好多蘿蔔絲，真係好香蘿蔔味，唔會好多粉，真係食得好滋味呀！
叫咗一碟叉燒腸，個呀姐幫我包好哂所有嘢先話我知係即蒸嘅！而家同我去蒸，吓！咁就一早蒸咗先包其他嘢喇！等等等，都係去行一陣先返嚟拎，本來以為要俾錢先，不過呀姐話拎先嚟俾喇！又好似幾好喎！唔驚唔返嚟咩！HEHEHE！
碟叉燒腸非常多叉燒，啖啖均可以食到，不過D粉就略厚，但都唔算太厚la！
走時見到坐門口個客食緊一舊炸蘿蔔糕，成磚咁好吸引，有機會一定要試吓！
下次要試吓個咸煎餅 & 炸煎堆！
張貼