大快活 (已結業)

店鋪由爭鮮變咗大快活，新店裝修新淨，店員服務態度可以。但新店不用排隊，俾完錢將牌放去桌上的感應器，店員就會送野食到桌上省水省力唔駛同人逼。牛扒雞扒鐵板餐＄5X 連飲品懷念小時候食扒唔係去咩大餐廳，最常去就係大快活椰林閣，以前係長鐵板，依家就圓型睇落大份啲，其實就係一塊牛一塊雞，牛無咩特別，薄薄一塊無咩味，雞抵讚係成塊係由雞脾拆骨，大大塊切落去果刻好開心，黑椒汁就仲係以前果隻味，辣辣地有啲蒜香，回憶無價。餐中送飲品同栗米肉粒飯，飯份量不多，巴掌大小，普通栗米肉粒飯味道，飯算乾身，份量剛好。服務有改進，食物質素普通，始終餐廳很多，吃過的口味也愈來愈多了，價錢也不算太便宜，但總有一間係屋企附近。