家嫂

營業中

休息中

首先要讚下佢啲自家制飲品，款式多感覺上又健康啲，個刺身船吸睛得嚟又好食，有海膽同象拔蚌刺身已經抵哂。小食方面酸菜魚同麻辣鴨血都好野味。花膠雞煲我哋選擇小辣， 但搵勻成個煲都係冇花膠只有豬皮同埋蜆，雞肉尚算嫩滑不過不失。 到打邊爐嘅時候，每款海鮮、手打三色丸、餃子、蔬菜籃同烏冬都會先上齊，之後可以再refill ， 海鮮方面有蠔、龍躉肉、蟶子、魷魚圈、大蜆、蟹、魚同蝦。 蟶子係中size （第二round變左大蟶子），蟹肉霉仲有少少乸喉，可能只係死咗一陣（第二round正常）每次refill嘅時候都要搵店員， 到中後期先發隔離枱海鮮船上竟然有鮑魚， 即刻order，但竟然只俾四隻我哋，但我哋係有五個大人，留意返，第一round佢放低海鮮船嘅時候係冇鮑魚，我地係見人地有先嗌，再refill 又漏單之後再追先話賣曬。 整體嚟講間野唔太老實，一係你就話鮑魚冇得refill ，你開得門又唔俾客食算咩意思。