意歐

營業中

休息中

上次同老公食完覺得超正，今次帶朋友去食。三個女仔三個餐，飽到不得了。無諗過餐廳仔都有羊架食，呢個羊架意大利飯好好食，首先羊架可以自己揀幾多成熟，哈，其實佢唔問我都唔知應該幾多成，最後我地話是但。總之最後出到黎果時係剛剛熟，而中間又有少少生咁啦！朋友話呢個口感超嫩，食到好香羊肉味，而且一啲雪味都無，好欣賞喎。不過小妹唔係特別好羊，所以基本上成碟都係朋友食晒。話說呢間店自稱係用美國薯仔黎做焗薯，今次終於試到。首先焗薯賣相好靚，開晒花咁，而且好夠熱。食落口有淡淡嘅薯仔香，由於個侍應話可以配海鹽食，所以我地張舊薯切開幾份，有啲配碎蛋沙律，有啲配海鹽。小妹就鐘意配海鹽，因為可以帶出舊薯仔嘅甜味。