澳門翠苑餐廳

營業中

休息中

見大家的comments都唔錯，上個weekend我都同男友去試試。地點真係好就腳，0係正朗豪旁邊，正適合行完街的朋友仔。上到去熟食中心，發現環境都幾企理，而且幾乾淨，仲有好多唔同既食肆畀大家選擇。我地點左咖哩牛柳同咖哩雞肉農夫包。服務好，因為姐姐會將我地要既set送到我地檯上。先試左個牛腩湯。肉味重而且料足，0係涉度仲可以食到好多料tim~落左dd茄膏煲，所以幾開胃。農夫包好大個，打開左錫紙就feel到個包真係熱辣辣。個包真係好得—好脆，而且裡面係好軟的。一邊點佢畀埋的咖哩汗真係一流。餡唔算多，但剛剛好，因為太多的話好易浸到個包爛容容……由於我好鍾意食麵包，一邊點汁一邊食，我不自覺地仲食得快過我男友，最後仲食曬成個﹗往日0係其他地方食野，麵包通常都係閒角；而為左好好欣賞主菜，我地都唔能夠好滿足咁食……或者，翠苑係一個地方，可以畀麵包呢個閒角漂漂亮亮地做一次主角﹗0係我眼中，呢個包亦都係一個好有特色的麵包。