Honey Granny (已結業)

唔係住旺角既我，耐唔耐先會黎一次，係幾個星期前睇到呢間開左都ok耐既雪糕店，其實都想試好耐，所以就停下腳步，去試下係咩味道。因為係第一次，所以就先叫一杯原味試試。其實個噱頭一定係黎至個舊蜂巢，因為就算係咁細舊，貪新鮮既大家都會因好奇而買，試下蜂巢係咩味XD嘻嘻而我都係想試下佢咩味先買...咁普通既雪糕要賣32蚊，唔通真係話嫌錢多，想試下M記既雪糕同呢到有咩分別，先買咩...間店都好細，俾完錢後就要等，等，寂寞到夜深~~~~~終於等到呢杯除左蜂巢外平平無奇既雪糕。雪糕真係勁快融，影左兩張相已經開始融＝＝食第一啖雪糕，都係同32蚊呢個價錢完全扯唔上關係既平凡，有奶味既，但唔重。重頭戲係蜂巢！一咬落去啲蜂蜜咇哂出黎，好清甜，口感好特別再加上本身個雪糕有蜂蜜，所以更甜～如果個雪糕係豆乳／豆腐味，唔好咁甜，會更岩我口味：）舊蜂巢食到尾勁似食緊香口膠，好膠既味道－。－總括而言，都可以試下舊蜂巢既，雪糕就無咩特別囉～