Petite (已結業)

買咗 Petite 嘅團購。位置好方便, a short walk from 太子 MTR, 好容易揾。裝修時尚, 好新淨, 坐得舒服。侍應係年青全男班, 服務態度良好!但係一上菜就出事喇! 先尼香檳, 從未見過咁少汽嘅香檳; 比平價嘅 sparkling water 仲要少汽嘅香檳, 你見過未? 色澤好淡, 味亦淡; put it this way, 佢唔講你唔會覺得係香檳囉!!跟住嘅食品, 全部份量縮晒水, 同團購網上照片頗有距離, 差別最大嘅係 pizza, 網上照片嘅 pizza 係用圓形鐵盆盛載, 但真正奉客嘅 pizza, 係幾片正方形 2吋 x 2吋, 有如瓦通紙皮嘅嘢, 同網上照片差天共地!!此外, 煎或炸嘅食品都有同一問題 (包括上述 pizza), 顏色深啡, 乾晒, 甚薄, 口感好硬, 冇乜味, 用瓦通紙皮去形容, 相去不遠, 可能係煎、炸時間過長所致!! (註 : pizza 通常唔應該係煎或炸嘅, 但係上述 pizza 有煎或炸過).結論 : Petite 住置方便, 裝修時尚, 坐得舒服, 服務良好, 但食品份量同質素需改善!!