冬蔭公公 (已結業)

同妹妹去食午餐，周圍都好多人，兜咗一陣最後去咗連城搵食，一樣咁多人，度度都要等位我哋攞咗冬蔭公公同另一間食韓國菜o既等位飛，睇吓邊間快有位就去邊間，最後冬蔭公公跑出了坐位應該約有50位，但位與位之間好親密囉，感覺有啲迫妹妹第一時間就話想食薯仔薄餅，我就想食冬薩公麵，揀咗好耐先落單泰國冬薩功湯底，湯底料有粟米粒、芽菜、花生、芫茜、參巴醬魚仔、乾蔥，我揀咗BB辣$30幼薯粉(免一款麵類)，我再加咗兩款餸+$4 竹笙+$6 BB粟米腸麵底唔算多，好多花生同粟米，冬薩功好夠味，正！最搞笑係以為BB粟米腸係好細件，原來係好大約直徑兩吋圓型，不過切得好薄片，味道都係腸味，無乜特別加$7有杯龍眼冰，我無飲，妹妹話OK，我眼見都多龍眼肉同好多冰薯仔薄餅賣晒，唯有叫花生薄餅，一樣係$20，切咗有八塊，每塊大約半塊梳打餅再大少少，唔算太油，不過我同妹妹都嫌花生醬太甜