BRICK LANE Deli (已結業)

首先我覺得個領班係最冇禮貌嘅。你間店如果係半自助，你叫得個客自己去搵位，作為客人我入到店搵位又比你哋同事截停，感覺其實已經好難受。你叫我自己去搵位其實你可以順手交帶同事話呢位客人幾多位咁其實成件事會好流暢⋯好啦，坐低左之後反而埋枱招呼嘅同事係有禮貌嘅。出到去點嘢食，又見番頭先個領班。你如果唔係負責收錢你就唔好企係個收銀機前邊囉。我行到埋你你又話「我唔係做嘢你唔好煩我」喂大佬我點知你係咪做緊野㗎。而家我好想黎煩你咩？同埋我點知你哋有兩部收銀機呢。聽到咁樣對客人嘅態度我真係打咗個突。食物質素方面，其實同其他店譬如尖沙咀店係爭少少嘅，可能真係因為整定左一部份啦，所以上菜時間好快。但係整體來講都唔算差。最有驚喜嘅係個龍蝦benedict蛋，定價$168 ，叫嘅時候係有少少猶豫，但好彩都冇失望。佢話係鹹蛋黃醬其實鹹蛋味就唔係好突出啦，反而最有驚喜係裏邊有青蘋果粒，同成件事有幾夾喎。龍蝦肉都唔少～杯果茶就甜咗啲，如果冇咁甜清啲就好了。三文魚benedict同其他店嘅質素差唔多環境方面就好嘈，喺商場入邊冇辦法啦，想傾計就搵過第二個地方。