川双流烤全魚 (已結業)

最近不停落雨所以決定黎呢間四川菜館食辣野去濕。當然，我的首選係招牌菜 - 麻辣魚(怕大辣太勁所以要中辣，如果中辣未夠辣可以問伙記加辣, 我地要左半邊，份量足夠餵飽兩三個人)同酸辣粉(乾撈), 另外點孜然牛肉羊肉串各一。孜然牛肉串羊肉串先上。覺得跟喺成都同上海食嘅串燒唔同。成都同上海嘅串燒真係炭燒同好重孜然同香料味道，所以好惹味。呢度嘅係油炸所以略嫌油膩，孜然味唔重可能係怕香港人唔慣，始終呢間餐館做嘅係街坊生意。而且羊肉已經喇到無臊味，對呢份臊味情有獨鐘嘅我自然失望。牛肉串份量比羊肉多。整體來講兩種肉串嘅味道還是OK嘅。酸辣粉同成都又唔同。成都嘅酸辣粉只用酸菜同菜本身嘅醋令個粉有酸味。呢度嘅粉另外落咗好多白醋，搞到個粉過酸，好辛苦先食得完半碗。麻辣魚中辣未夠成都嘅辣，不過都已經好夠辣，而且太辣反而會蓋過魚嘅味道。魚係先烤過再放落辣椒湯入面，但係仍然非常滑(有部分肉仲係剛熟)! 勁正～正到連跟魚送嘅白飯都唔記得食! 裏面嘅芹菜同芽菜吸收咗湯汁入晒味, 唔錯。食到一半，個嘴好麻….. 過足麻辣癮! 剩係呢條魚都已經值得專程去食!最後伙計小姐送一碗冰粉我試。冰粉本身無味道，呢個甜品靠嘅係黃糖水