影片
更多
2018-07-31
499 瀏覽
喺某飲食谷內見好多人去試過話唔錯！過咗一排行過就去試吓。滑嘟嘟-牛柳加炒蛋蕃茄湯底烏冬—蕃茄湯底味道偏鹹，唔明有人點解可以食到加湯？如果以呢個連渣形成出現就叫濃湯的話，我寧願返去勝香園。炒蛋就正常炒蛋，牛柳碎到五毫子咁嘅size，可以食得出咩呢？烏冬有人覺得咁叫咽靱有咬口，我會叫呢種做未煮熟。你估而家食意粉Al Dente 呀？慢煮雞翼—慢到從來無出現過。凍檸檬雪梨露—賣晒喎！無論廚房同樓面都嚴重欠缺人手！下午兩點入座，等咗十分鐘執檯落單，落完單又等多廿分鐘.....樓面行過嚟唔好意思你頭先叫咗乜嘢？眼見遲過我坐低嘅都食緊。到全場得返五個客，等多十分鐘走埋嚟講雞翼又賣晒要等。好老實你碗嘢幾好食都無用，更何況只係咁嘅貨仔。吹到點用心做又如何？
喺某飲食谷內見好多人去試過話唔錯！過咗一排行過就去試吓。
滑嘟嘟-牛柳加炒蛋蕃茄湯底烏冬—蕃茄湯底味道偏鹹，唔明有人點解可以食到加湯？如果以呢個連渣形成出現就叫濃湯的話，我寧願返去勝香園。
炒蛋就正常炒蛋，牛柳碎到五毫子咁嘅size，可以食得出咩呢？
烏冬有人覺得咁叫咽靱有咬口，我會叫呢種做未煮熟。你估而家食意粉Al Dente 呀？
慢煮雞翼—慢到從來無出現過。
凍檸檬雪梨露—賣晒喎！
無論廚房同樓面都嚴重欠缺人手！下午兩點入座，等咗十分鐘執檯落單，落完單又等多廿分鐘.....樓面行過嚟唔好意思你頭先叫咗乜嘢？
眼見遲過我坐低嘅都食緊。到全場得返五個客，等多十分鐘走埋嚟講雞翼又賣晒要等。好老實你碗嘢幾好食都無用，更何況只係咁嘅貨仔。吹到點用心做又如何？
張貼
