影片
更多
2016-07-05
2470 瀏覽
某日睇到groupon有呢間餐廳既deal覺得幾抵, $568/4位就有齊頭盤、主菜、甜品同野飲...不過估唔到啲服務態度差得咁緊要😓 我有貼錢買難受既感覺。首先係所有服務員聽到你問野(我真係好聲好氣!!) 例如我問：can I please get a water? 佢地聽到，唔會答你，無表情咁望一望你之後就懶洋洋好慢咁行去拎杯水.....當時餐廳都唔太忙😓同埋我問幾個服務員都係咁...唔應人同啤一啤我都算...頭盤前拎左個湯黎，當時我坐四人枱既出面，聽緊隔離既朋友講野所以可能聽唔到服務員問我要邊款湯...但佢突然間係我耳邊大叫：tomato soup ma'am😳真係係我耳邊大聲問...真係嚇到個心都離一離😨之後啲服務員都keep住好無禮貌😕感覺係茶記既服務態度仲好過呢度!!!食物老實講ok啦，但完全無驚喜。頭盤: 刺身帶子配煙鴨胸沙律 帶子都新鮮同大粒，煙鴨胸唔算油膩，個藍莓汁就好酸不過配埋個沙律就好啲。主菜A: 黑豚扒配燒汁薯菜呢個算係全部野食中最好架喇😅塊扒都算厚同埋好淋，外面都煎到有少少脆(不過都唔夠尖沙咀果間Nathan Lxxx既黑豚肉扒咁好食!!)主菜B: 西冷
首先係所有服務員聽到你問野(我真係好聲好氣!!) 例如我問：can I please get a water? 佢地聽到，唔會答你，無表情咁望一望你之後就懶洋洋好慢咁行去拎杯水.....當時餐廳都唔太忙😓同埋我問幾個服務員都係咁...
唔應人同啤一啤我都算...頭盤前拎左個湯黎，當時我坐四人枱既出面，聽緊隔離既朋友講野所以可能聽唔到服務員問我要邊款湯...但佢突然間係我耳邊大叫：tomato soup ma'am😳真係係我耳邊大聲問...真係嚇到個心都離一離😨之後啲服務員都keep住好無禮貌😕感覺係茶記既服務態度仲好過呢度!!!
食物老實講ok啦，但完全無驚喜。
頭盤: 刺身帶子配煙鴨胸沙律
帶子都新鮮同大粒，煙鴨胸唔算油膩，個藍莓汁就好酸不過配埋個沙律就好啲。
主菜A: 黑豚扒配燒汁薯菜
呢個算係全部野食中最好架喇😅塊扒都算厚同埋好淋，外面都煎到有少少脆(不過都唔夠尖沙咀果間Nathan Lxxx既黑豚肉扒咁好食!!)
主菜B: 西冷牛扒配薯菜
呢個我勸大家唔好食😓雖然外表燒得好靚，但入面可能落得太多鬆粉，塊牛扒淋得好緊要同好奇怪，好似茶餐廳果種牛扒咁。
飯/ 意粉: 雜菜鵝肝紅酒汁意大利飯
鵝肝好細件但煎得ok，和飯無咩特別同少少淡。
甜品：忌廉蘋果酥盒
都係無咩特別，佢應該要少少時間預熱，我地差不多等左15-20分鐘。
總括黎講，所有食物無咩特別，肉有肉味菜有菜味，無咩驚喜。最特別係服務：特別差😂以後就算groupon再平我都唔會再幫襯😔
張貼