加藤屋 (已結業)

睇到唔少關於加藤屋既負面食評. 最近試過幾次, 有唔同既睇法.第一次黎食係農曆新年之前, 係附近購物時先知道佢開業, 又有未曾試過既麻辣牛肉飯, 於是普通 size 同中辣試下,  感覺係有四川麻辣既花椒味, 但同辣椒味一樣較輕手, 個中辣可以話係小辣, 而最大既問題係牛肉切得較厚, 煮出來比較韌, 同邁唔夠肉汁, 令碗飯幾乾身. 整題上有改善之處, 同埋我想如果落單時有所準備, 效果可能會更好, 所以...第二次黎食係上星期五, 再 order 麻辣牛肉飯 (特盛 size, 要 '特辣; 同  '多汁'; HK$50):今次叫左特辣, 花椒味明顯強左, 而辣椒味就唔算太辣, 只係小至中辣左右. 牛肉切得夠薄, 所以比上次容易入口. 而由如 order 多汁 , 所以成個飯食落唔乾身, 飯夠煙韌亦好有麻辣汁水. 作為快餐牛肉飯, 呢個價錢同水準係食得過既.我想呢個集團都唔會唔關心自己既食品水準, 尤其係見到咁多 Openrice 既食評之後, 定當有所改善. 麻辣牛肉飯就係個好例子. 希望加藤屋會繼續改善,  能夠同吉吉有得fight啦.