湯之料理 (已結業)

由於不想食飯（太飽），又覺得食粥又唔夠飽……食碗麵吧！路過該處，其實舖頭同大街有段距離，遠睇基本上睇唔到佢招牌寫咩，但係知道係食店囉！結果八掛行去門口睇，真係食店來的，咪試下囉！居士和友人選了兩款麵！“天下第一”和“牛腩茄湯米線”！天下第一！個名勁到！其實係用一種叫“重慶酸辣粉”做主食，綠色透明粉像啫喱！配以多種配菜如花生、炸菜、莞茜等，彈牙好味！辣度加選大細，唔錯！牛腩茄湯米線！牛腩像日式的，無肥肉而較清淡，女仕該會歡喜！茄湯好味！帶點點酸辣實在美味！而且兩碗粉份量都好足，不用加小食/小菜都好夠飽！基本上佢仲有好多招牌菜，相信日後會再試，希望佢地可以繼續keep住！仲有，老闆娘很好人，佢唔會因為你只叫食又不叫野飲就不招待或不高興，知道我地第一次食都叫我地慢慢揀！