娘惹嫁到 (已結業)

香港食喇沙嘅餐廳，不過出邊味道間間都差唔多，可能醬料都係用同一個供應商，冇乜邊間有特色，直至試到呢間娘惹喇沙，食得出湯底用咗好多不同種類嘅香料，味道特別得來又惹味。配料有鮮蝦兩大隻，好細心剝咗中間嘅殼，食得出冇雪藏過，十級新鮮，唔似出邊好多都係比冇晒味嘅玻璃蝦。深海魚蛋似潮州白色魚蛋，鮮味過港式炸咗嘅魚蛋多多聲，下次會試吓墨魚，應該都唔錯，。油面彈牙，米粉爽口，食到尾都唔會比熱湯浸到霖晒，加上大量芽菜，超級滿足！一定會再嚟！