Yadllie Plate 야들리애플래이트 (海之戀商場)

同左一位媽媽朋友去荃灣行Donki, 順便搵食撞正lunch time 好多鋪頭都full full地咁岩我地行過見到呢間韓店reception 同我地打招呼叫我地入去食，順理成章，我地就入左去食，原來我之前食過一次，入到黎熟口熟面先記得。我地2大人1小朋友 叫左個紫菜飯俾小朋友食大人就食大蔥炸雞，白灼豬腩肉，同埋2杯飲品，巨峰乳酪梳打同埋藍橙荔枝梳打。炸雞新鮮炸起，配埋一堆蔥絲，味道好夾。D汁甜甜地，蔥就有d辛辣味白灼五花腩，用生菜包埋d紫蘇葉同埋蒜頭辣醬，好好食。d肉係好淋唔會咬唔開，好邪惡但停唔到口。2杯梳打味道都唔錯，酸酸甜甜，好解膩。