萃華飯堂

營業中

休息中

上晝食完個通粉之後開左成朝會，開完得返半個鐘頭食飯時間，就拿拿臨拎銀包走人。礙於得返半個鐘，所以就去左較近既茶餐廳 - 萃華 - 無錯。早餐食完午餐又黎都真係幾悶架，不過無計喇，趕時間嘛，而依間茶餐廳又出名快，所以就黎喇！去到其實已經全場滿座，好彩小妹係一個人所以好快可以搵到搭枱既位置。坐低後，二話不說揀左兩餸飯，一黎今日唔想食咁多，二黎兩餸飯有菜嘛。（再次提及：依到既燒味同煲仔飯真係唔錯！咁啱經過可以試下呀）例湯係自己去裝既（任裝），但因為得小妹一個，唔去裝嚕，因為無人睇住自己野嘛。好快兩餸飯就黎到，蒜炒白菜仔同家鄉豬腩肉。白菜仔唔知係咪煮左好耐，已經放涼左嚕，不過勝在唔算太油，可接受既。而豬腩肉呢？唔算肥，而且好入味仲好林添！食食下好快就清左嚕（嘻嘻，有Ｄ嫌少添）。食飽，又返上去繼續努力嚕！