坤記煲仔小菜

營業中

休息中

想食坤記，就要做好「即使有訂位都要排」嘅準備。在熱s辣辣嘅初夏，在無乜人打煲，加埋我哋有訂位，再加埋我哋早到，而最重要係我哋RP好咁多因素drive下，是日僅僅等咗十零分鐘就入座！✌️坤記嘅精髓在於火候，無論煎，焗，煮都掌握得恰到好處。炭爐煲仔飯是招牌，米嘅生熟度做到啱啱好，食落口感唔會霖唔會硬，不得不佩服廚的功力。臘腸是必點，肥瘦相宜得嚟又不會太咸。煲仔飯嘅另一靈魂是豉油，坤記當然有它的獨門秘方。豉油是特製的，結結哋，望落有啲似新加坡豉油，好香好夠味。食時應該先將飯刮起，再一邊淋豉油一邊攪勻，而唔係好似傳統食法咁將豉油由側邊淋落，結果令到側邊啲米霖曬，影響口感。可能個煲事先搽咗油，飯焦仲好容易刮落，喜食飯焦的你一定不能錯過。相比起紹華，坤記用普通米都可以做到殿堂級嘅出品，實至名歸，沒有之一。