影片
更多
2014-04-05
613 瀏覽
喺朋友口中得知附近開咗間新嘅甜品店。 環境衛生：因為新嘅關係，入面都仲係好新淨。白色牆紙陪上柔和嘅燈光令人坐得輕鬆愉快。 兩邊牆都放有推薦食品嘅相讓人先預覽一下亦是不錯嘅裝飾品。 服務：服務員態度有善，當我地問有咩推介嘅時候都樂意解答。 味道及價錢：全店均採用Movenpick雪糕。喺店員嘅推介下，我地三人點了兩碟甜品加杯果茶。本身見有Beeramisu，不過以保持新鮮，每日製作有限，而我地去嘅時候已賣哂，真可惜。一. 水蜜桃茶（$25）紅紅的一杯茶，聞落好香甜，但飮落勁酸，不太有水蜜桃嘅味道，不過喺幾特別。二. 香芒脆脆拿破崙配雪糕（$42）出奇地不是太甜的一碟。脆脆中夾有d偏酸嘅新鮮芒果及芒果mousse。口感同味道都爭d，而且側邊嘅芒果雪糕又酸到痺。有小小後悔要咗呢碟over Baileys Soufflé。三. 朱古力心太軟（$42）好好食！流心朱古力勁濃，最重要嘅係唔會太甜，一定係用咗黑朱甜度先會咁適中。溫暖嘅朱古力配上冷冷嘅雲呢拿雪糕簡直係天衣無蓬嘅完美配搭。食完超滿足。Final Verdict:值得支持的用心小店。會再去。：）
環境衛生：因為新嘅關係，入面都仲係好新淨。白色牆紙陪上柔和嘅燈光令人坐得輕鬆愉快。 兩邊牆都放有推薦食品嘅相讓人先預覽一下亦是不錯嘅裝飾品。
服務：服務員態度有善，當我地問有咩推介嘅時候都樂意解答。
味道及價錢：
全店均採用Movenpick雪糕。喺店員嘅推介下，我地三人點了兩碟甜品加杯果茶。本身見有Beeramisu，不過以保持新鮮，每日製作有限，而我地去嘅時候已賣哂，真可惜。
一. 水蜜桃茶（$25）紅紅的一杯茶，聞落好香甜，但飮落勁酸，不太有水蜜桃嘅味道，不過喺幾特別。
二. 香芒脆脆拿破崙配雪糕（$42）出奇地不是太甜的一碟。脆脆中夾有d偏酸嘅新鮮芒果及芒果mousse。口感同味道都爭d，而且側邊嘅芒果雪糕又酸到痺。有小小後悔要咗呢碟over Baileys Soufflé。
三. 朱古力心太軟（$42）好好食！流心朱古力勁濃，最重要嘅係唔會太甜，一定係用咗黑朱甜度先會咁適中。溫暖嘅朱古力配上冷冷嘅雲呢拿雪糕簡直係天衣無蓬嘅完美配搭。食完超滿足。
Final Verdict:值得支持的用心小店。會再去。：）
張貼
