焰亭 (已搬遷) 新店位置

當雙11果日網絡購物如火如荼時，我同喵星人就去左食同個”1”睇落都好似既日式串燒。 位於皇后大道西既焰亭係一間細細間既居酒屋，大概6-7張細枱倒，但員工都只係有2位，一位樓面，另一位就負責廚房。而果晚好旺場，基本上係坐滿，而就算有客走左，都未能提供俾在外面想食的客人，因為無人手清理張枱及碗筷。我同喵星人有一刻真的想幫忙執枱，哈哈。 番番黎食物上，燒物整體確實係唔錯，並無話因為太多單而求其燒。唯獨最後個冷烏冬，真心唔好食，太硬身。 總括來講，我會建議平日夜晚黎食，同埋主攻燒物便可。