28居酒屋 (已結業)

望穿秋水，28居酒屋終於開返啦，星期六8:30pm過黎試，真係少年我太年輕啦，小店出面已經大排長龍，OMG咁岩果日返風，呢條小街都頗食風既情況下，等左一粒鐘多D終於有榙啦 T.T一行四人叫左壽司、刺身、串燒同小食＞壽司：海膽夠新鮮，塊紫菜脆架。芥辣八爪魚好足料，好爽口。其他壽司都好新鮮，不過舊壽司飯都好似機整咁，一夾上黎就散曬。＞刺身：三文魚腩好肥美，帆立貝夠大粒夠新鮮，真係大件夾抵食＞串燒：燒翠肉瓜、茄子、雞軟骨同菠蘿都燒得好好食，係冬菇燒得未夠火候，同埋和牛粒有D韌＞小食：燒雞泡魚乾比較乾身，但又唔太夠魚味，如果燒耐多小小時間會較好小店比起以前舊舖少左幾張榙，侍應得返兩個新面孔，只有老闆還在收錢。難得既係出品高水準，拍得上出面幾百蚊一位既日式店，同埋真係抵食夾大件，放題式咁叫，人均消費都係大約二百蚊有找，咁良心小店係邊度搵？不過店面細左係好影響流轉速度，加埋西環既街坊食得比較休閒，如果下次去食一定要訂榙。