影片
更多
2011-07-16
46 瀏覽
居士太太休息唔煮飯，帶她去一下居士單身時代久不久幫襯的舊舖（老舖）。八九十年代的裝潢，小小舖放了數張圓枱，2個人去，撘枱係必然的，前面煮粉麵同煲仔飯，後面就水吧同炒粉麵，老闆同師父們都好有經驗（上晒年紀啦！哈）。這個時代舖頭食物尚算經濟，晚間快餐（一飯一飲）都係31蚊，煲仔飯大部份35蚊，粉麵都係21蚊啫，算抵食，而且份量幾多，我見旁邊猛男先生要左個快餐（豬手飯），飯同餸分開上，碟飯該有2碗以上的份量，而餸亦多，唔會搵大量菜墊底，至於對手一對小情侶，叫了一碗粉加一個煲仔飯，煲仔飯的餸好多，味道雖然不詳，但至少俾人感覺到誠意同貨真價實先！講翻居士啦，由於不太餓（七點半左右），我和太太點了傳統牛雜河同埋魚旦粉，兩碗麵份量都好足，牛雜乾淨少脂肪，且河粉都好得，唔會淋晒，魚旦魚片就一般，但奇怪的發現一粒墨丸在其中？多謝師父加餸！墨丸好味有咬口，可惜個湯底就淡了點，下次都要加腩汁先得。是次食完，太太話雖然古舊且地方不太舒適，她希望下次可以再試其他食物。這家舖在時代變遷中亦迄立觀塘多年，希望老闆繼續經營，且保留這種風味！
八九十年代的裝潢，小小舖放了數張圓枱，2個人去，撘枱係必然的，前面煮粉麵同煲仔飯，後面就水吧同炒粉麵，老闆同師父們都好有經驗（上晒年紀啦！哈）。
這個時代舖頭食物尚算經濟，晚間快餐（一飯一飲）都係31蚊，煲仔飯大部份35蚊，粉麵都係21蚊啫，算抵食，而且份量幾多，我見旁邊猛男先生要左個快餐（豬手飯），飯同餸分開上，碟飯該有2碗以上的份量，而餸亦多，唔會搵大量菜墊底，至於對手一對小情侶，叫了一碗粉加一個煲仔飯，煲仔飯的餸好多，味道雖然不詳，但至少俾人感覺到誠意同貨真價實先！
講翻居士啦，由於不太餓（七點半左右），我和太太點了傳統牛雜河同埋魚旦粉，兩碗麵份量都好足，牛雜乾淨少脂肪，且河粉都好得，唔會淋晒，魚旦魚片就一般，但奇怪的發現一粒墨丸在其中？多謝師父加餸！墨丸好味有咬口，可惜個湯底就淡了點，下次都要加腩汁先得。
是次食完，太太話雖然古舊且地方不太舒適，她希望下次可以再試其他食物。
這家舖在時代變遷中亦迄立觀塘多年，希望老闆繼續經營，且保留這種風味！
張貼