麺屋武蔵 (已結業) 查看

　　今日經過apm,上左去搵野食,經過呢間野,咁等位啦,可能因為星期六等位人數都比較多,但係只係等左十分鍾就有位,而且門口帶位既經理禮貌都幾好,入到去啦,一位職員放低兩杯茶,咁跟住我女朋友就問我食咩,咁個職員行埋黎話不如試下個最新既魚介拉麵啦,咁我同bb對野食都唔太講究所以就點左啦,咁個職員都好有禮貌咁話我知食滿150蚊用信用卡簽帳有炸雞送,咁就緊係要埋個炸雞啦!好啦咁等左大約十分鍾左右啦,野食黎到啦,咁個炸雞黎先賣相唔錯,一食落口,面頭有d沙津汁配埋舊雞都過得去啦,好啦食完啦,個拉麵黎到啦,一食落口個湯底而且面頭d粉撈埋一齊更加好味,咁我女朋友好奇問我咩粉黎既,咁我緊係唔知啦,咁我好奇問左個waiter跟住佢好好禮貌咁答左我係魚介粉黎既,但我覺得間野人手好似唔多夠,因為我既坐既位置比較近門口見到個帶眼鏡既waiter好似好唔得閒,咁番工既野無計啦,走個陣d職員都有同我地up左句日文,我諗都應該係多謝咁解,咁總括黎講啦,食野方面不過不失啦,但係員工態度上就真係認真加分.