兩草 (銅鑼灣道) (已結業)

男朋友話去依間野試下，聽個名咁特別都唔知係食咩，抱住試下先既心態。黎到依間鋪都咪話唔多人，鋪既間格比較三尖八角，好難劃分位置，所以唔好期望坐得耐同舒服。我叫左個肉骨茶小籠包同菜，男朋友叫左肉骨茶同豬油蛋飯，咁我食左少少又幾好味喎！不過真係幾細碗下，女仔食係ok, 男人食就一定唔夠。到我個小籠包，試下飲d湯先，幾好飲個味好似胡椒豬肚湯咁，無之前飲既肉骨茶咁有藥材味岩晒我，成碗飲晒，小籠包浸湯咁食都係第一次。野飲方面有得揀檸檬薏米都幾好。整體野食價錢都ok, 不過真係唔好預慢慢坐、坐好耐，快食係ok ge。