影片
更多
2009-08-04
11 瀏覽
http://hk.myblog.yahoo.com/goodboy_philip/article?mid=36057好多野做, 做到興起, 點知八號風球黑燒鵝殺到, 被迫放低手頭上既工作...街外人人放工跑住番屋企, 不過醫肚要緊, 飯始終都係要食架! 快快趣去亦本木茶房食個鐵板式既燒飯, 然後快快趣番屋企繼續做! 至於好唔好食?又睇落去?地址: 銅鑼灣百德新街22-36號舖翡翠明珠廣場1樓9號舖 話說呢間六本木茶房由日本登陸香港, 佢同日式 Pepper Lunch 都係以鐵板燒飯主打! 前者亦有牛,豬雞,魚同其他居食屋小食; 後者則以集中唔同既牛肉配鐵板燒飯為主。Check check online 評語劣評如潮, 係唔係做白老鼠試過至知!Order 左個牛舌鐵板燒飯, 最緊食肥左...要 keep 番, 所以無 order 其他小食!同 Pepper Lunch 一樣, 有塊防燙紙包圍住個鐵板, "芝芝" 聲熱力四射!就黎 "燒死" d 牛脷喇! 眼見半熟既牛舌就黎熟哂, 即刻挑哂 d 牛脷上飯上!配汁有鰻魚, 咖哩, 燒汁, 黑椒, 蕃茄汁揀選, 穩鎮起見揀燒汁, 快手將燒
好多野做, 做到興起, 點知八號風球黑燒鵝殺到, 被迫放低手頭上既工作...街外人人放工跑住番屋企, 不過醫肚要緊, 飯始終都係要食架! 快快趣去亦本木茶房食個鐵板式既燒飯, 然後快快趣番屋企繼續做! 至於好唔好食?又睇落去?
地址: 銅鑼灣百德新街22-36號舖翡翠明珠廣場1樓9號舖
話說呢間六本木茶房由日本登陸香港, 佢同日式 Pepper Lunch 都係以鐵板燒飯主打! 前者亦有牛,豬雞,魚同其他居食屋小食; 後者則以集中唔同既牛肉配鐵板燒飯為主。
Check check online 評語劣評如潮, 係唔係做白老鼠試過至知!
Order 左個牛舌鐵板燒飯, 最緊食肥左...要 keep 番, 所以無 order 其他小食!
同 Pepper Lunch 一樣, 有塊防燙紙包圍住個鐵板, "芝芝" 聲熱力四射!
就黎 "燒死" d 牛脷喇! 眼見半熟既牛舌就黎熟哂, 即刻挑哂 d 牛脷上飯上!
配汁有鰻魚, 咖哩, 燒汁, 黑椒, 蕃茄汁揀選, 穩鎮起見揀燒汁, 快手將燒汁倒落珍珠飯上連粟米洋蔥紅椒等混埋食...先講講飯同肉既比例 8 : 2, 真係太少肉了, 牛舌肉質同肉味沒有驚喜, 至於飯粒, 就算即刻食都略嫌乾身, 以呢個質素, 八十元落樓真係唔值! 同類型既 Pepper Lunch 雖然唔係超級好食, 不過價錢合理, 六本木茶房雖然都係由日本過黎, 可惜都係登陸失敗...其實好多間由日本本土"遠征" 過黎香港, 味道大都比當地差得多 (康竜, 大阪王將...), 稍為接近日本質素一點的 Pepper Lunch 同 Mos Burger 已經算唔錯了!
雖然主打鐵板燒飯唔好味, 但係環境就唔錯, 飲野傾計都唔錯, 通風系統好, 食完唔會有油煙味!
環境: 3.5 (紅黑色配搭, 整體環境舒適!)
衛生: 3 (清潔整齊)
服務: 3.5 (女侍應們很青春有活力! 有禮貌講解!)
味道: 2
價錢: 2 (跟同系列既 Pepper Lunch 相比, 同埋食物質數黎講, 貴!)
最終評分: 2.5 主打食物也不吸引, 即使有其他小食或甜品選擇, 都唔會再去 lu!
銅鑼灣, 六本木茶房, 六本木東京, 日本, 鐵板燒, 好孩子
張貼
