大喜屋 (已結業)

朋友聽講「大喜屋」嘅放題唔錯，所以趁著佢生日特意同佢一試，不過打去訂位時尖沙嘴分店經已Full Booking，好彩網上得知佢地剛係銅鑼灣開新店，竟然成功Book到，咁就事不宜遲相約慶祝。因為經已Book好位嘅關係，所以一到步都唔使等好耐就有得入座，店鋪算係幾大，雖然排位都密密地（偷聽到好似因為意外接得太多Booking而要臨時加位），不過唔會太逼坐得唔舒服。一坐低當然係點野食先，雖然食物都離唔開熟食、刺身、壽司，不過款式比一般放題鋪頭更多，一啲比較少見嘅款都有。刺身款式超多，而且都好新鮮，不過一次點嘅數量越多就越新鮮，因為試過一點得少明顯光睇賣相就知跌左Watt，反而數量叫得多就明顯靚得多，而且仲可以係比紙時講少少要求（例如三文魚唔要腩位之類）。不過最特別嘅一定係「甜蝦」，唔係其他地方嘅細細隻，而係大隻唔新鮮甜蝦，鐘意嘅朋友一定要嚟狂食！卷物款式都好多，而且款式幾創新，鮮度亦算唔錯，而且尺寸唔會太大，細細件就算係女仔都可以一啖食哂，可以比人試到更多款式！壽司、手卷質素亦見一班，紫菜係脆嘅，用料亦唔係馬虎，好似芥辣八爪魚就非常新鮮，絕對唔係放咗好耐嘅貨仔。同樣，尺寸唔大係重點！熟食方面