影片
更多
2010-07-29
12 瀏覽
25-7-2010好耐無食 proper 的壽司 lunch , 知道呢度開了新店, 又捉了朋友訂定檯上嚟試試.叫了「精選壽司定食」($180), 有 10 件由師傅揀的壽司, 跟前菜, 沙律, 茶碗蒸, 味噌湯及甜品:-前菜有一件唔知乜湯啫喱, 及酸漬唔知乜 shellfish (唔好意思, 我未見過亦無問, 搞到唔清唔楚 ), 前者凍凍的, 味道帶點「木魚清湯」feel, 又有冬菇的清香, 食落滑喉又清新, 幾喜歡; 漬 shellfish 較韌, 味道好酸又帶點薑味 , 幾開胃的餐前小食.沙律有一 scoop 南瓜茸, 少量 croutons, 菜就有紅 / 黃椒 , 洋蔥, 生菜, 車厘茄 etc... 南瓜茸內混了青瓜, 食落軟腍清甜得來又帶點爽脆, 幾喜歡; 沙律菜夠爽脆, 不過味道有點太酸及嗆喉, vinaigrette 太啃了; croutons 就係腍的... 茶碗蒸面頭有一 pat 有蟹肉及豌豆的無色「湯汁」, 味道唔算清鮮, 食落亦有點糊口, 唔太喜歡; 下面的蒸蛋夠滑口的, 味道清甜, 配料 (雞肉, 白果, 冬菇 etc) 亦足, 不過整體太「水 deh de
好耐無食 proper 的壽司 lunch , 知道呢度開了新店, 又捉了朋友訂定檯上嚟試試.
叫了「精選壽司定食」($180), 有 10 件由師傅揀的壽司, 跟前菜, 沙律, 茶碗蒸, 味噌湯及甜品:-
前菜有一件唔知乜湯啫喱, 及酸漬唔知乜 shellfish (唔好意思, 我未見過亦無問, 搞到唔清唔楚 ), 前者凍凍的, 味道帶點「木魚清湯」feel, 又有冬菇的清香, 食落滑喉又清新, 幾喜歡; 漬 shellfish 較韌, 味道好酸又帶點薑味 , 幾開胃的餐前小食.
沙律有一 scoop 南瓜茸, 少量 croutons, 菜就有紅 / 黃椒 , 洋蔥, 生菜, 車厘茄 etc... 南瓜茸內混了青瓜, 食落軟腍清甜得來又帶點爽脆, 幾喜歡; 沙律菜夠爽脆, 不過味道有點太酸及嗆喉, vinaigrette 太啃了; croutons 就係腍的...
茶碗蒸面頭有一 pat 有蟹肉及豌豆的無色「湯汁」, 味道唔算清鮮, 食落亦有點糊口, 唔太喜歡; 下面的蒸蛋夠滑口的, 味道清甜, 配料 (雞肉, 白果, 冬菇 etc) 亦足, 不過整體太「水 deh deh」了.
10 件壽司有大 toro, 甜蝦, 油甘魚 (?), 池魚 (捽了薑茸), 蟹腳, 帶子, 赤身, 鰻魚, 海膽及唔知乜嘢魚 (捽了蒜蓉的)... 壽司飯握得緊緻, 飯粒食落軟熟, 醋味適宜, 幾喜歡 咁多件以油甘魚及鰻魚最好食, 油香勁到呢 , 但又有疑似梅子的酸酸甜甜 (來自面頭的調味); 赤身亦好好食, 食完成口濃鮮味; 甜蝦面頭放了蝦籽, 雖然食落對味道幫助不大 (...: o), 不過係幾有心思的; 平日最喜歡的海膽食落有點滑潺潺, 但算幾甘甜, 新鮮度其實都 ok; 大 toro 不論賣相及味道一樣「肥騰騰」, 不過切得有點「甩頭甩髻」 帶子離奇地爽身, 不過食落無乜味, 麻麻哋.
味噌湯就一般, 飲咗都唔記得 不過食完壽司有碗熱湯暖暖胃, 感覺當然好.
最後係一件 pear 味的甜點, 味道清甜得很 , 質地就似 pudding 又似 jello, 其實係咩嚟?
食物環境配套大致滿意, 連加一每人 $200 有找, 值得試試的.
張貼
