Bella Kitchen (已結業)

銅鑼灣搵食，確實唔容易，見到呢間餐廳評價唔錯，又可以即日book枱，就同朋友黎試下。我地order左兩個set dinner, 先黎左個紫薯湯，味道比較淡，但飲到紫著天然嘅甜味。個餐包唔係hea, 有果仁同提子，幾好食。我地另外加多左個野菜天婦羅，入面分別有南瓜、 番薯、 紫薯同白菌。 本身最期待個白菌，但啲炸粉上唔到粒菇度，變左炸粉還炸粉，菇還菇，有少少失望，好在另外幾款野菜炸得唔錯。主菜一號 - 燒雞，味道不過不失，但皮唔算脆，肉亦唔算嫩。主菜二號 - BBQ ribs, 推介之選! 個ribs燒得岩岩好，肉好易離骨，d肉好林，一啲都唔鞋，而且用嘅係long ribs, 2百蚊都唔洗，值等一試!餐飲就得普通機沖咖啡/茶，想upgrade做其他飲品都唔得，希望將來可以有多啲選擇啦！不過佢個dish potion都唔算細，叫野食嘅時候要留意，唔好叫得太多。 總括而然，今餐飯食物整體上都不錯，我應該會為左個ribs再來。