SML (已結業)

聽講特別之處係食物份量分細中大, 即係餐廳個名SML, 之前同朋友食飯已經想試下, 無奈勁多人, 無訂位的話都好難有位去試 , 今次就做個醒目仔訂位先 . 餐廳面積都幾大, 不過 d 座位編排就比較迫, 如果枱與枱之間拉闊 d 就最好 .芝士粟米薄脆配墨西哥辣椒,酸忌廉牛油果醬及蕃茄沙沙 (M)芝士味濃, 粟米片脆, 配搭雖然簡單但超好味 (本人是芝士怪 ), 三款醬料中我比較喜歡蕃茄沙沙 白汁煙肉意大利粉 (M)賣相 OK, 但味道一般, 白汁太"傑", 煙肉亦偏淡, 兩人share還可以, 如果要一個人食都好難食曬   鐵板墨西哥烤雞肉 (S)鐵板墨西哥烤雞肉配菜食材主要洋蔥同雞肉, 味道方面唔係太特出, 亦都偏油, 配菜內有兩塊薄皮, 食法好似片皮鴨, 夾 d 餸入去食, 連薄皮一齊食的話無錯可以去咗 d 油膩感覺, 但就比塊皮蓋曬的味, 味道一般 甜品(唔記得個名, 淨係記得有蘋果 )(S)起初見到都唔知係咩, 邊度有蘋果, 翻開淨係見到紅色水果, 一試原來係蘋果 , (不過蘋果肉唔係白色既咩 ~.~), 好好味, 蘋果帶小小酸甜味, 連面果 d 脆脆一齊食