麺屋武蔵虎洞 (青衣城) (已結業)

新年去青衣城睇戲，睇戲前就周圍行下搵嘢食，終於我揀左呢間食拉麵，我哋叫左2碗拉麵加2個小食，男友揀左松茸湯拉麵，我就揀左黑蒜油豬腩肉拉麵，小食揀左個紐約輪腸同麻辣豬耳！見到2碗拉麵成呎油，真係已經唔想食，D湯仲好咸，咸到我只係食左半碗，咸到真係頂唔順，到食個腸時，第一啖覺得點解有D洗潔精味，再食第二啖，確實有檸檬洗潔精味，男友話我錯覺，其實係有檸檬味啫，麻辣豬耳唔明點解叫麻辣？因為其實係一D辣味都冇。之後男友問過侍應，點解D湯咁多油同咁咸，個侍應話係呢間嘢特色，我真係O左咀，我真係唔識欣賞！用左3佰幾蚊食左D咁嘅嘢，好唔抵！好失望！