Simplylife Cafe (已結業)

今日喺呢邊做野~勁累,想搵左個地方休息下~台頭望都冇咩地方啱心水無意見到呢間小CAFÉ,就埋去一試,CAFÉ主要係原木色調為主昏昏暗暗咁感覺好想睏~我買左兩件CAKE加杯意式雜菜湯就坐左喺近門口的位置,有返D陽光氣色~!廚櫃放左好多唔同特色的蛋糕…好’’令’’好精緻呀~~真係花多眼亂~樣樣都想試~呢刻個人感覺唔想食太甜既野,所以點左兩件SPECIAL,同一杯菜湯意式雜菜湯 - 雜菜湯本身唔算太重質感,幸好唔會好’’水’’~ 除有一般可預計的蔬菜外,仲飲得到加左D香草作調味~飲落有別一般的雜菜湯,几特別雜果仁撻 – 面頭有4,5款原粒果仁,相當有口感,入面的吉士漿就感覺太甜了,即使連埋D果仁一齊食,都有點OVER 呢~檸檬芝士海棉蛋糕 – 一心諗住應該係酸酸甜甜輕輕軟軟的感覺,點知入口都係得個甜字~檸檬芝士冇我想像中的酸,又唔係咁重芝士香味,而且食落仲好重甜味呢~海棉蛋糕唔夠輕軟,可能雪左好耐LA..本以為呢間主要係做CAKE為主,應該有D保證,點知有點失望呢~總括黎講..算係見識過佢的出品~可見的未來相信唔會再見,真心希望佢地他日可以有所進步