影片
電話號碼
+853 28579802
營業時間
今日營業
08:00 - 01:00
星期一至日
08:00 - 01:00
以上資料只供參考, 請與餐廳確認詳情
工作需要港澳兩邊走，門面看似普通酒店餐廳，或者形容為茶餐廳都唔過份，午飯時間比較多人，求其坐低就睇餐牌，行政午餐MOP$65，一啲都唔算貴，樓面姐姐問我食乜，我反問佢有咩好食，佢話未食過就試下酸菜魚飯啦，心諗：呢但隔局你介紹我食酸菜魚？賣唔晒搵我食？唔緊要，試下唔駛死，難食當減肥，等咗一陣，例牌俾杯茶你先，一飲之下有驚喜，唔係九流茶底茶，唔澀唔鞋口，竟然係老樹鐵觀音，讚！酸菜魚嚟喇，即試下湯頭，香酸辣味都好夠，魚片滑，鹹度適中，酸菜夠出味，食落口唔會太酸太鹹，仲有少量粉絲底，超讚！性價比高，嚟蒲京我會推介！
繼續閱讀
今早乘搭了二龍喉公園的松山登山纜車登上了東望洋山，參觀了防空洞和東望洋燈塔，然後乘搭纜車下山。下山後徒步至葡京酒店，路程大約30分鐘。到達葡京酒店已是下午1時半，肚餓了，見葡京酒店內有間美食中心，所以隨順便坐下來吃。友人點了洋葱豬扒意粉行政午餐，份量略少，意粉軟硬適中，豬扒味偏淡，幸好有洋葱汁搭夠，配以熱奶茶，MOP55，尚算抵吃。我點了中式點心叉燒包，估不到味道不錯，中式外皮很香，叉燒餡料足夠，不只是叉燒汁，熱騰騰的，香甜美味。
繼續閱讀
年30去澳門住左晚酒店，初一中午要去飲茶拜年。早左起身，但食早餐又好似太飽；諗左一輪，都係落樓睇下有乜好食。最後去左樂宮，諗住叫少少野一家三口share食。見到佢有豬潤水喎，就同老公傾兩份飲，再加多個公司三文治一家三口食。仔食2件，我同老公一人一件加飲豬潤水。計落岩岩好，唔飽又唔餓，轉頭唔夠一個鐘又食Lunch囉。個公司三文治又幾正喎，跟薯條，重要有厚身牛扒同雞扒的，咁先係70幾蚊,重要包飲品。感覺比香港茶餐廳4-50個一份無乜睇頭既公司三文治黎講抵好多；比香港有D食店排到好靚既公司三文治黎講係超抵食。牛扒係勁淋，係勁多鬆肉粉既牛扒；味係差D，但賣相同份量真係唔錯，係驚喜黎。另外豬潤水，我食完先記得冇影相呢。真心好奇，佢到底係一早煮定？有人叫先煮？好好飲喎，好夠味，但豬撋又冇溶晒，重有好多塊係度可以食，而且係煮得岩岩好，唔會覺得佢乾難食的。本來以為咁樣三份share食唔會好飽，晏少少飲茶都冇問題。結果公司三文治係出奇地飽肚，到飲茶時，真係食唔到幾多呢。
繼續閱讀
從來祇在鳥籠(葡京)外拍照，因為覺得她外型獨特。從未在鳥籠碰運氣，也從未在鳥籠裡吃。樂宮應有幾十年歷史，似food court格局，沒絲毫古老味道，沒客人，侍應很勤快，送來的menu 中西菜式兼備，中等價錢，點了有廚師帽子特別推介的雲吞麵，跟奶茶$68，因為早餐吃的祥記雲吞麵令人太沮喪，這碗竟變成上品，麵微爽，雲吞有肉有蝦香，湯頭熱而帶微甜，沒把我推至更失望的深谷，當然，如若和麥奀比較，這雲吞麵麵不彈牙，沒大地魚香...細節功天還是天與地，都吃過麥奀後，其他雲吞麵都變成過盡千帆皆不是。另一個法蘭西多士，賣相看得出厨房很努力，件件三角形，配鮮士多啤梨，可塗煉奶糖槳牛油，滿有期望，入口郤因為麵包可能放了太久，太靭，吃不到香脆。久等了的原味梳扶利也是失望之作，蛋味很濃，但一點也不fluffy, 應是蛋白打得不夠起，蛋黃太多，結局似吃雞蛋糕。奶茶是茶包浸出來，不值一談。
繼續閱讀