真 Sho 百味 (已結業)

10點鐘，同朋友一齊食晚左既晚餐。 有朋友想食珍show百味，咁就陪下佢啦! 我試左兩個餐，褔建炒飯同xo醬海鮮炒伊麵。 福建炒飯係幾好味既，汁香又唔咸，料都好多，飯軟軟地，有咬感。 而伊麵個樣就唔係好xo咁，食落都冇乜xo醬味，似乾炒伊麵多d。 凍檸茶就好香茶味既，都幾好飲。

今日去真sho食個西炒飯。個餐加個凍飲都係$41。個餐有靚湯送。個中湯係青紅蘿蔔廋肉湯。清甜好飲，足夠火喉。大炒飯等咗10分鐘有得食。個賣相好睇，好似蕃茄底炒飯。個西炒飯混入火腿片同蕃茄粒。個飯炒到金黃色。食落好開胃。蕃茄粒爽口。個飯混入蕃茄汁炒，好味，新奇。杯凍奶茶唔錯。

是日兩人行，試了這間開左一排ge茶餐廳，好有驚喜。首先講下咖喔牛腩飯餐先，d咖哩係馬來西亞果種，好香椰汁味，又甜甜地，o岩晒唔食辣ge朋友。兼夾牛腩好林，正！而且好抵食，價值$46，有湯又有餐飲。去到鐵板餐啦，直頭超抵$60， 有湯又有餐飲不得止，仲有件牛油多士。雖然牛油多士麻麻地，但呢個價錢都有牛油多士食，算是很好了。

今次去食紅腸蟹柳米線加凍茶。個餐$41。個米線湯底我叫咗清湯底。我先喝一口清湯。個湯好清甜。紅腸只有兩片。蟹柳都係兩條。個紅腸同蟹柳都好鮮甜。我食得出個紅腸同蟹柳都係用上等材料。兩款食材都好有咬感。個米線好有咬勁。米線混合清湯係一絶。米線煮得恰到好處。整體個餐屬高水準。杯凍茶好一般。因為個湯底好正，我全喝光。個餐送咗個例湯，東瓜湯。好一般。

公司附近間食肆去過好多次。今次叫飽魚蛋白菜粒抄飯。個餐加凍飲要$41。個餐送中湯。中湯係西洋菜瘦肉造。個湯好飲，夠火喉。碟飽魚蛋白菜粒抄飯有飽魚、蛋白、菜粒同飯造食材。個飽魚粒好少成份。但係茶記無可能賣太多飽魚粒。佢地成本都cover唔到。各種食材比例恰到好處。入口好有口感。飽魚片好新鮮可惜太少份量。個飽魚片好鮮甜。蛋白同菜粒都好新鮮。食落好彈牙。可以係茶記食到街坊價飽魚粒抄飯已經唔錯。整個抄飯好正，因為個抄飯係用隔夜飯抄。個飯抄得好乾身。油份少，易入口。成碟飯個賣相唔錯。杯奶茶中規中鉅。個環境好乾淨。

下午要早點回公司做野。所以要找一間近公司ga茶記。甫一入內，好多學生已入坐。點了焗椰汁雞飯加凍奶茶。個餐要$42。等咗10分鐘先有野食。焗椰汁雞同飯分開上。我淋D椰汁落飯度。D雞肉含有好多碎骨。D碎骨有好難入口。影響咗個餐。但唔緊要，最重要係個汁同雞肉個比例。個比例成份內薯仔。個比例恰到好處。個汁好正。但似白汁多過椰汁。杯凍茶一般，不過不失。點都好，個餐係大埔區已經做得唔錯。

晚餐唔知食咩，行到呢間店，見價錢合理，就入去叫個西炒飯，隨餐附送中湯或白湯或紅湯及咖啡或茶。先黎個湯，再黎埋杯檸水，坐多大約五分鐘已經有人走埋黎問，「先生你個飯係咪仲未黎？」答左佢之後，兩分鐘已經送上西炒飯。雖然飯粒不太夠乾，但整體味道不錯。邊吃邊聽著其他枱鐵板扒餐淋汁料的「沙沙聲」，再嗅嗅汁料因遇到熱鐵板而蒸發的香氣，實在後悔沒有多付廿元吃個鐵板餐。下次來的時候一定要試試！