鄉土風情 (已結業)

安蕎百日宴大家耐心地等開飯，各自搵娛樂，大家都又悶又肚餓，唯有各自玩電話解悶同分散注意力啦。好肚餓呀，仲未開飯呢。哈哈。恭喜百日賀宴，難得喜事令到各路英雄聚首一堂，而且唔係酒吧，太好喇 ﹗個個掛住賭，我都參與下啦，好采無輸，都贏少少。由頭賭到尾，好鬼爛賭呀 ﹗我淨係爛食爛飲加乍 ﹗紅雞蛋，有野食喇！未上菜先黎小食紅雞蛋，平時我都唔食熟蛋黃架，但實在肚餓，連雞兩隻雞蛋頂住先﹗乳豬全體，幾好好好，難得滿意。今次真係合格，不太肥而皮脆肉嫩，肉香不過咸，好味。髮菜蠔豉豬手生菜，好少參加壽宴，依道菜意頭係橫財就手？發財好市？好似怪怪地，哈哈。生菜爽甜，趙到索索聲。夾埋髮菜蠔豉一齊食好好味，蠔豉甘香肥美有咬口。豬手炆得不肥不膩，豬皮彈彈爽爽的，入味可口，唯獨無咩肉食。西蘭花炒帶子蝦球，蝦蝦蝦蝦球好咸呀！格硬吞落肚。假爽質地，而且細隻左少少。帶子還可以啦，都係略咸，最好食西蘭花卜卜脆又多汁，點蝦醬或豆瓣醬同樣美味。花膠肉絲紅燒翅，忘記了醋唔係要黎撈，係食完用黎清味蕾舌頭添，手快快倒左幾滴，無緊要。水準穩定，顏色晶瑩剔透，高湯香甜濃郁，質感黏而厚薄得宜，香噴噴又好食。每口夾雜花膠絲及肉絲點綴，味道跟口

住係新界區既親友不時會相約聚會呢間都係經常到訪既熱點之一餐具十分有特色，古色古香既公雞圖案套組重點係佢地既花樣保持得不錯，雖然有少許掉色，但仍算色彩鮮艷豐富滷水豬手作為冷盤竟然又唔會好油膩好飽滯喎:^0滷得入味，豬皮稔軟香口，佢處理得乾淨，食落係滑身易嚼既溫度較低，感覺上膠質不重，未有黏口，不過質感頗為爽口酸菜豬肚其實我都唔中意食酸菜，呢道只係淺嚐輒止酸菜不嗆口，偏鹹，爽而夠水分豬肚夠稔，爽口易嚼不會過韌，沒有異味鮮蝦腸粉腸粉滑身不易爛，帶點彈性，食落唔會好粉蝦肉都叫足料，爽口帶鮮香，色澤紅白分明櫻花蝦炒飯用石鍋熱住上，既能保溫，更有少許飯焦份量夠足，炒飯金黃乾爽，賣相吸引入口粒粒分明有嚼勁，帶飯香又無膩感加上爽口蝦肉既鮮香，以及青蔥既清香，整體感覺清新可口流沙包包身香綿軟熟，味道不太甜，平衡餡料濃味餡料橙黃色尤如日落，美觀又吸引入口甜而不膩，仲有點鴨蛋黃香只不過老實說不太流沙，只有少許溏心炸兩腸粉厚薄均勻，甚有彈性油炸鬼酥脆可口，中間既氣泡算均一，不算過份油膩既一綿一脆既質感對比幾有趣，這或許是此道多年受人歡迎既原因煎釀尖椒當中一半係辣口既一半係冇咩味既其實次次食呢道菜重點係要同人分

今次唔係第一次黎呢間餐廳, 開左咁耐, 間唔中都會黎光顧下 :0今日係我媽媽的生日, 我地4個人9點正就黎到呢間鄉土風情,因為唔洗等位, 地方大而人又少慶祝媽媽生日, 係衝住佢平價點心而黎 爸爸諗住大家高興下就嗌左隻乳豬,我地諗住加多幾碟"餸"....原來唔可以又嗌點心又嗌3寶(大家, 真的要小心, 在餐牌上無寫明任何相關要求的附帶條款)最後我地都揀左食夜茶點心, 頭抽炒腸粉, 唔會太咸太乾流沙奶皇包, 裏面d黃真係流哂出黎, 夠熱牛肉球,鮮竹卷,鯪魚球, 都唔會太油膩, 不過爸爸就想食炸物..:333夜茶點心還不錯, 茶介位位$12, 收加一不過今次用餐經驗實在不愉快, 尤其是普通職員不友善的態度和過份強硬的處事手法好可惜媽媽一年一次開心既生日飯竟然搞成咁 唉!!好激氣呀真係! 希望全港唯一一間的鄉土風情有所改善啦.

就算星期五晚都唔多人，不用等位，直入。兩個人叫了煎蛋角鍋，蓮藕餅，安格斯肥牛粒，蒜蓉粉絲蒸元貝。(因為做特價$38／4隻），見個侍應主動推介，所以試下。)煎蛋角內有咸菜，好咸，一定要送飯食，湯底有D芽菜同硬豆腐，但豆腐無咩豆味。蓮藕餅煎得有D油，味道亦偏咸，而且有D碎豬骨，麻麻地。肥牛粒一樣偏油，而同碟的菇唔好食，有草青味。蒜蓉粉絲蒸元貝，好大隻，但唔鮮甜。整體味道偏咸同油，分量足，但味道普通，試一次就夠。可幸服務周到。

BB在外婆家住了一大段時日, 我爸也多個星期沒有見愛孫了. 星期日, 沒有帶BB回西貢, 爸媽就決定來大埔, 係要見一見BB, 才能安心. 太太另有事要辦, 那就餘下我同BB, 及父母一同上茶樓, 飲茶. 係太和邨, 有兩間茶樓, 而且兩間野就打正對面, 所以等位有兩個選擇. 除非係指定要食某一間, 那麼, 邊一間較快俾到檯你, 邊一間就做到你生意. 不過, 我一等, 就等了成個鐘. 才收到鄉土風情的叫籌. 等到位, 才call其他人出現. 星期日飲茶, 不嬲都係咁. 我為了陪父母, 父母為了看BB. 呢一餐, 也是志不在食的. 都是以點心為主, 一家人飲茶, 一向都是這樣叫到成檯野. 不過小家庭, 人少少, 就唔會叫咁多既. 我們三個人, 就當然叫個飯食下啦. 而香港式飲茶既特色就是集合大江南北, 世界各地的美食. 所以, 我們係呢一度, 可以食到韓式既"石頭鍋飯".這一個石頭鍋飯先上, 大概是因為廚房出錯單吧. 錯有錯著時, 醒目的樓面知道我們同樣叫了石頭鍋飯, 就先交俾我們. 火熱辣的牛肉石鍋飯, 未撈之前看見爽脆的新鮮芽菜. 撈一撈. 把韓國的辛辣醬汁撈入去, 熱咋咋的, 把飯

周六晚，人唔算好多，八成滿，但都好快有位。點了六個菜，好快就到(5-10mins)。 避風塘豆腐，黃金軟殼蟹都幾好味，而海哲就有少少辣，但唔錯。平日有特價，周六日就冇，五六十蚊碟。

今日上午到大埔參觀鐵路博物館，午飯時間來到太和一帶「覓食」。由於距離下午活動時間尚早，所以我們想找個能歇腳的地方，不過商場內選擇不多，最後來到這間名字較特別的鄉土風情。食店為一般新派酒家格局，位置頗大，而且座位寬敞，光線充足，讓人感覺舒適自在。而桌上碗碟也徹合店鋪名稱，用上傳統的雞公碗。食物方面，這裡主打一些懷舊農家菜，但似乎只在晚市供應，而中午只售一般中式酒樓的點心小菜。我們在點心紙上選了不少項目，然後邊談邊等吃。 鮮蝦腸粉：鮮蝦很大隻，咬落爽口彈牙；腸粉皮做得不算太薄，但仍透出內裡鮮蝦的橙色，味道也很好。 郊外油菜：油菜上檯賣相很差，亂疊一堆，入口完全沒有味道，吃不到菜的鮮甜，唯有蘸上辣椒豉油伴吃。 煎堆仔：煎堆仔一碟三件，圓渾飽滿，味道略帶甜，但炸得不夠香脆，有幸也不算油膩。 蝦餃：蝦餃燒賣兩款主打點心，除了有一般一籠四件的特點外，還特設一籠兩件的中點，方便小有小吃的三兩知己，真貼心。味道方面，蝦餃用上原隻大蝦，爽口鮮甜，加上少許筍絲令口感更一流。 燒賣：大隻鮮蝦與蟹子放在黃色燙麵皮的燒賣上，外表吸引。餡料的豬肉肥瘦適中，入口沒有膩的感覺，味道不算很突出但也不錯。 薑蔥牛栢

之前已吃過對面的美心了所以這次試試新開的鄉土風情一直都有聽到人說他們做得不太好,食物也不好吃之類的,但親身去試了又不覺得是這樣由於媽咪一早就已去霸定位,所以我們兩隻大懶蟲一到步就開餐了首先是蘿蔔糕,外層煎得金黃香脆,內心很軟滑,而且材料也不少,很不錯!再來是類似茶果的小食,味道有點像蘿蔔鬆,也有點像咸水角,不過它的皮是黏黏的,不過不失鳳爪的size很大,味道略淡,但都算入味燒賣的蝦很新鮮爽口,豬肉也很鬆化,有水準!咸水角皮厚了點,不過幸好有味道搭夠,也不太差馬拉糕香甜鬆軟,份量有點少,不太夠呢!炸腐皮卷材料十足,有蘿蔔雲耳等,味道清淡卻炸得很鬆脆環境格局都算舒服,至少不會像普通茶樓那麼逼不過人少確實是有點不足,要等一段時間才有人沖茶收碟等服務態度也很好,也不見得會因為多人等候而趕客人走有時間會再來慢慢嘆茶,這次就到此為止!

五月中旬‧炎熱是另一間打著做農家菜招牌的酒家，看其價錢不太離譜，而菜色也是幾對辦的名字，就找個周未，糾集一眾食友，來試其一試。 這裡也不易找，門面的店名雖大，但循正常途徑卻是不易看到，反而在樓下卻看到蔡食家的文章，給這裡大大的張貼作招徠。也可能是這原故，這裡也頗旺場的，八時來到，偌大的酒樓大堂是座無虛席。就在酒樓一旁拉板間了兩圍，我們二十一人自成一國，很企理。飯局未開，食友紅叮買來蘋果批請大家吃，先來個熱身。八時半，大家各就座，就先由幾味前菜開始。這裡用上的是清一色的雞公系列的杯碗碟，感覺是幾「農家」的。 先來的前菜是五小碟，吃罷感覺都幾奇怪。沙薑雞腳不似是農家菜，豬手是白白的，看上來已知是雪了好一陣子的，脆皮燒腩仔是皮脆可口，不過此品已是閒過立秋的一味，做得好也沒有分加；反而最後的一味豆角煎藕餅幾特別，有特色，值得一試； 煨湯說是「煨」的，但用上的是例湯的小湯壺，幾難令人置信，喝過便算；再來是一煲碌鵝，是細隻的鵝，肉質不算嫩；芭蕉骨的腩排勝在夠肥美，也不錯；煎釀鯪魚是不折不扣的農家菜，但吃起來還帶點腥味，只吃了一半，就放下了；炆腩仔是非常穩陣的一味菜，是下飯良伴；粥水鹽水雞看名字是農

大閘蟹 x6 , ( 3 分 ) 蟹膏不多亦不夠香 , 只算一般貨色 鱷魚龜湯 ( 4.2 分 )大大碟的湯料 , 材料豐富 , 有「鱷魚龜」的龜板 & 龜肉 , ...食落龜肉已經無味 , 因為所有精華已盡在湯中湯味濃沃 , 清甜滋味 份量也多 , 5人中 4人有2碗 , 1人有3碗 , 總計有11碗杉斑 ( 4.5 分 )去門口大魚缸選條靚靚大杉斑結果, 正 , 肉質鮮甜嫩滑 , 魚味十足係今晚最好味的一碟餸菜 蟶子皇 x6 , ( 4.2 分 )大大隻蟶子皇 , 新鮮爽口 , 蒜蓉好香 燒鵝 ( 3.7 分 )皮脆肉嫩 , juicy , 不過大嚿d嘅肉有d韌瑤柱豆苗 ( 3.5 分 )豆苗 ok 的嫩服務服務好 , 上菜快 , 換碟頻密走時經理有笑容

昨晚8時多一行14人到鄉土風x食晚飯，被安排一張10-12位檯，好，還有2位要坐在後排，好難接近桌面。算吧！祇想開心地一起食餐晚飯，於是點了一個2350元的套餐，但發現原來還有空廳房，於是要求能遷入廳房坐得舒適一點，自問在平日這個菜價享用廳房是可以的，點知這名黑口黑面的經理不作任可解釋而拒絕了，本人於是取消了這個套餐，改叫小菜能快些食完走人，但怎知點燒鵝無，乳鴿無，樣樣無，點菜點到人到煩，這個經理還滿不在乎，你們最好下次不來光顧，大把生意唔憂做的咀面，檯檯食完即送糖水，我們要問他才有，全程晚飯除上菜就全無招呼，當我們透明！不知是否因我們改菜單原故，令到這位店長經理全程黑口黑面對待我們這一檯客人！你做店長的服務態度都如此，很難想像你下屬還有什麼能令客人滿意的服務！！！？？？

這間酒樓的食物平心而論我覺得ok! 但服務態度勁差之前有次飲到一半,個經理竟然叫我地埋單! 話張?有人book左全間酒樓咁多張?淨係趕我地走,當我地埋左單時,佢係叫出面等梗位d人入去咁樣叫有人book左???今日仲激氣! 我媽咪好早咁去?左位..大約11點7已經有位..我11點8已經出左門..12點前我媽咪已經落左單,因為會平d去到等左勁耐都無野黎..一問之下原來無落單!! 個經理黎..個經理態度勁差..話張?十二點前無可能有人坐要我地俾返正價都算,一個道歉都無我同我媽咪唔會為左個幾十蚊優惠而同個酒樓嘈..最後埋單走..收錢條友仲話" 你地無食野喎" 我話"唔係無食,係你地無落單"最後好委屈收左$6 茶錢! 伺應d 態度幾好架! 係d 經理服務態度勁差!

六月十三日．熱北區有農家菜，本來是一笑置之的，本地無田無潔淨河川，農自何來？但聽行家說菜色特別，就來看個究竟，無米粥、炆原隻獅頭鵝、五花腩同江西的燴湯聽起來吸引，找了個周末同兩圍食友試試手勢。早前入來傾過菜單，說到底北區鄉土菜也不會貴，共十五道菜心目中預算該不會過二佰圓，如下：小吃家鄉煎藕餅燒五花腩仔沙薑大雞腳酒香白雲豬手肉鬆溏沁豆腐湯江西瓦撐燴湯主菜順德人碌鵝堂灼粥水農家雞糯米芭蕉腩排土城炆豬腩仔順德煎釀鯪魚翡翠豆漿豆腐農家四寶砵仔豬油飯伴芋薯客家鹹茶果．特色糖冬瓜位在太和東鐵商場內，雖說是北區，但東鐵線直出，位置也不算難找。位在美心皇宮對面，似乎是對著幹，大家都有做農家菜，看過餐牌，又似乎有豬有雞拿來蒸、炆的，都叫做農家菜，有點莫名其妙．．．做街坊生意，六時許已有唔少客入坐，裝潢都算企理，花過些心思設計的，最吸引是雞公碗碟系列，特別訂製的同自己屋企道具碗紋理有明顯分別，是夜訂了兩圍，全餐包酒水，間了屏風，大伙兒自成一國，吃得也高興一點。免開瓶，食友帶唔少美酒，連凍飲的花雕亦閃亮登場，真有意思！店方已放好冰桶同分菜用小檯，配套是可以的。先來五味小吃，都是Tasting分量，每人一件。

(拾下別人的牙慧, 標題此句, 出自本地品酒/咖啡名家 Mr Karson Ho, 曾有機會出席他主持的品酒班, 學到不少呢!)山長水遠入到大埔/太和來吃飯, 近年都比較少有。食友惡男兄在此擺下兩圍的「小局」, 主題是農家菜, 故特地入來嚐鮮。自領匯接手屋邨商埸後, 它們都經過大肆改裝, 變得光鮮起來, 太和商場也不例外, 四處仍在大興土木中。好在酒樓地方還不算難找, 就在美X酒樓的旁邊。在下層扶手電梯旁, 已見到店家豎立了蔡瀾在雜誌的推介...這個姑且按下不表...還以為它是街坊茶樓, 原來裝修都都好「潮」的呢! (見圖)準八時到達, 發現了食友帶來的餐前驚喜, 另文已寫, 在此再謝過紅叮兄。我那檯有不少酒友, 自是佳釀紛陳, 紅白粉紅汽酒什麼都有, 還有食友 W 小姐的十年陳花雕, 聽著他們分享品酒之道, 又是獲益良多。好, 又到上菜時間: 前菜肉崧皮蛋豆腐 - 麻油味重, 我鍾意。酒香豬手 - 皮極爽, 不過沒什麼酒香啦。沙薑雞腳 - 未下沙薑汁已有點太鹹。脆皮燒腩仔 - 豬皮卜卜脆, 幾好啦, 腩肉就梗係肥的啦。豆角煎藕餅 - 挺特別, 上枱時看似沒啥可觀, 樣子像煎釀三寶裡的

男友媽咪生日...就全家人去呢到食飯！侍應熱情招待...還好的....只係叫野食時...要乜就無乜...問個侍應有乜...佢都唔知要問部長...部長黎到都唔多確定...要行去問經理....=.=!!!由於唔係我落單...所以唔多肯定菜名叫咩....其中有個好似叫順德人碌鵝的....鵝就真係幾好食...但伴著一些酸酸好似白蘿蔔片...呢個就唔多match喇...仲有一個皮蛋豆腐...好少皮蛋...好少肉鬆...而且肉鬆跌晒...浸晒落個汁到...豆腐好凍...仲有砵仔飯...面頭有幾粒我估應該係蕃薯粒黎既...飯帶點香...軟硬適中....都OK的...食完問佢拎餐牌...想叫糖水同糕點食...侍應黎到落單...又係呢樣無果樣無...最終問佢有咩....突然佢唔知起邊拎張紙出黎...得番呢兩樣糖水....但呢兩樣都係餐牌上無既...亦都只係普通的紅豆沙同埋芝麻糊...唉...服務只係兩分...並唔係因為員工態度惡劣...只係因為佢提供唔到菜式比我地...入黎食野卻很多都無得食....那有甚麼的服務？