Go Dutch Cafe

營業中

休息中

抵食又坐得舒服既樓上Cafe - Go Dutch Cafe好耐冇去旺角拍拖行街，呢次行到登打士街，呢度出名多樓上Cafe，我地係樓下燈牌揀左一間空間感大，望落舒服既Cafe食下午茶。佢就係Go Dutch Cafe ! 餐廳裝潢設計簡約，座位寬闊舒適，而餐廳中間放置左好多款桌上遊戲同旅遊書俾食客借用，氣氛唔錯 ! 餐牌上既食物種類都好多，有炸物﹑意粉﹑串燒﹑漢堡等等，亦可選擇$398既二人餐，就可以食到兩份主菜、一份小食、兩杯飲品及兩款甜品，非常超值 ! 但因為女朋友怕食唔哂，所以我地最後都係決定單點餐牌上既食物簡單介紹下我地叫左咩野食啦 :海鮮沙律 $72，將新鮮甜美既蝦同唔同蔬菜整成，以檸檬及橄欖油稍腌再炒過，配上各種色彩繽紛既蔬果整出黎既賣相，清新怡人美式咖啡 $45，沖出嚟嘅味道感覺到咖啡同水嘅比例岩岩好，唔會太苦又容易入口既雲尼拿阿法奇朵$45，簡單既意大利甜點，就係只係將濃縮咖啡倒係雲尼拿雪糕上面，都要Cafe沖既咖啡夠味先帶到呢款甜品既精髓出黎最後想稱讚一下餐廳職員，雖然客人唔多，但服務態度真係好好，非常殷勤有禮，整個用餐體驗非常良好，坐得又舒適，食得開心，絕對會再回訪

環境舒服 近地鐵站 容易就到左坐位闊落 每枱之間都有適當的空間 唔怕太嘈 可以輕輕鬆鬆同friend 吹下水啲嘢食全部新鮮好好味 員工態度服務好好仲要有好多board game揀來玩✌🏻推介

朋友相聚不錯選擇，首地點位置方便，環境整潔。食物好味，尤其松露薯條、炸魷魚鬚小食必食之選；飲品方面，這店首選店內的花茶、果茶不錯，有冷、有熱選擇，而且味道可口；也有其他飲品選擇。食物味道剛好，海鮮飯更為可口。

入到黎呢間cafe環境已經覺得好舒服，再睇睇個menu set dinner價錢合理同多選擇。今次試下德國黑椒咸豬手同個龍蝦汁蟹肉海鮮意大利飯，完全突破我三觀😂意蝦汁蟹肉海鮮意大利飯：好濃既龍蝦汁，食落覺得同一般risotto完全唔同，食得出大廚好用心去煮呢道菜德國黑椒咸豬手：呢個真係大推，肉質一入口即融，皮完全同平時食到既咸豬手唔同，加埋蜜糖食個味道昇華左一個層次；老板娘好細心咁問我地要半肥瘦定瘦啲，仲要一上個陣切好晒呢個大加分總評：抵食既隱世西餐cafe

Go Dutch Cafe 地址: 旺角登打士街43H號登打士廣場10樓電話: =====================旺角的登打士街，十多二十年前集中了很多樓上cafe,爆當年的學生，放學最鐘意一班人去cafe 玩下，飲野同board game 雖然隨著時代變遷，樓上cafe 已餘不多數量，我到出來做野，久不久都會返旺角回憶感受一下。$398 二人餐幾抵，一個小食，二個主食，二個翻品及$40以下飲品芝士焗椰菜花，食下菜又抵卡，個椰菜香焗得好淋身，應是先水煮熟透再加芝士煙肉菇焗，味道豐富好好食又大碟。主食：豬仔骨配薯茶及特濃龍蝦汁海鮮意大利飯。豬仔骨肉質紮實，拿上手食較方便。ribs 有成兩大長條，仲有salad 薯角，真是食完就飽了！意大利飯的海鮮包括了青口、蝦，帶子仔、蟹肉碎，混起來如置身乂海食埋甜點，cream burlee 同strawberry cheesecake , cheese cake 上面層士多啤梨醬酸酸地幾開胃呢度坐位闊落，唔會有逼焗感覺。

約咗朋友喺旺角食晚餐經過登打士廣場，見到呢間餐廳評價唔錯😝決定試吓，上到去已經要等位😫叫咗個二人餐黑松露薯條，好重黑松露🫢牛肝菌意大利燉飯，忌廉味好重甜品焦糖燉蛋都好出色

呢間cafe 叫go Dutch cafe。野食愈黎愈好食，係旺角同油麻地中間 好易搵花茶同朱古力都好好飲，蜜糖雞翼好食，仲有個意大利飯想再多添個意大利飯唔會太冧，啲汁又啱啱好

意大利飯好食👍🏻服務都好好👍🏻我地5個人去食2個2人餐 甜品比夠5份😍意粉同飯份量又加大左🥰🥰坐都坐得舒服 🧡好岩同朋友慢慢傾計食野飲野～🫶🏻🫶🏻多謝晒

老闆好好人 啲野食都好大份 野食好食叫左2個2人set，我地5個女仔都食得好飽最出色係個意大利飯，佢個牛肝菌味好出，個飯夠軟熟，個汁唔會太多然後啲員工都好nice, 如果野食可以上快啲就完美！

呢一晚我同朋友搵梗一個坐得舒服，可以慢慢食嘢傾偈嘅地方。無意中發現咗呢間餐廳。餐廳無限用餐時間，而且營業到夜晚12點，非常適合我哋。而我哋係平日去嘅，入坐時間6:30。呢個時候人流比較少，可以坐到適合自己嘅位置，慢慢到8點人流先開始多。餐點方面揀咗兩個主菜、兩杯嘢飲同兩個甜品，相當抵食。👍🏻叫左避風塘軟殼蟹意粉同埋原隻燒春雞避風塘軟殼蟹好惹味有啲似大排檔嘅風味燒春雞，雞肉好嫩，一啲都唔老，夠入味唔會太鹹甜品就叫咗兩個忌廉曲奇芝士蛋糕唔會太甜👍🏻環境方面呢間餐廳枱櫈簡單舒適為主，卡位都設有獨立屏風方便傾偈。職員非常有禮貌同細心，整體感覺值得讚賞

Found it only while searching a coffee house in Openrice. it was hard to find bec it was located at 10f of the building. and its in between the ladys market street at mongkok. anyway the food was average as well as the service. and they only accept cash. ( luckily i have cash on my wallet. coz normally i dont have cash). it could be better if the staff will mention immediately that they only accept cash upon the arrival of the guest or They will put a big wording Cash only at the door entrance.

今日同男朋友去旺角行街，行到攰就去返之前我哋去過嘅樓上Cafe。食物水準依然保持👍🏻今次試吓佢哋嘅二人餐$398。食物款式好多選擇。我哋叫咗芝士煙肉黑松露焗大蘑菇，特濃龍蝦汁海鮮蟹肉意大利飯同埋特色黑椒鹹豬手。先講佢哋個芝士煙肉黑松露焗大蘑菇，佢哋放咗好多黑松露，大蘑菇仲好Juicy。如果好似我一樣咁鍾意黑松露呢個值得一試😋😋。另外佢個特濃龍蝦汁海鮮意大利飯，龍蝦汁好濃郁好creamy，味道啱啱好👍🏻男朋友叫咗個特色黑椒鹹豬手，佢哋嗰個係焗嘅唔似係出邊炸嘅鹹豬手，所以都偷咗佢一嚿嚟食，味道甜甜地又有黑椒嘅少少辣。真係幾好味，一啲都唔肥膩☝🏻。餐飲我叫咗個熱帶雜果生果茶，本身以為係一杯杯，原來係一壺咁多。好多生果味道酸甜，啱我口味。特別要讚佢哋嘅侍應服務好好👍🏻臨埋單嘅時候唔記得咗原來二人餐係有包兩個甜品，佢仲特登過嚟提我哋。我哋叫咗一個焦糖燉蛋和是日蛋糕。焦糖燉蛋冇出邊嘅咁甜啱我口味。男朋友就鍾意食佢哋嘅蘋果芝士蛋糕多啲。依間真心值得推介！！！

近排同朋友好耐冇聚，所以揀咗呢間Cafe，一上到嚟望到個環境好高貴華麗，成個氛圍好chill好舒服😄😄我嗌左個$158自製芝士肉醬千層麵，份量多到食唔晒😋😋佢裏面嘅薯蓉加肉醬同千層麵好夾 好好食！😜另外我跟餐叫咗杯特濃Oreo 脆脆朱古力，佢濃得黎又唔會好膩，飲落啱啱好，仲要幾美觀，一邊食一邊同班fd玩board game真係好chill😎侍應嘅服務態度幾好，落單嘅時候都會面帶笑容，我哋叫佢幫我哋影張相佢都好樂意，整體感覺很好。💯💯下次一定要同friend再嚟多次！！！

本身book左9樓嘅cafe fabulous，前兩個鐘先收到通知話搬左10樓，點知原來係另一間餐廳。。。職員一開始已經態度非常惡劣，大聲呼喝我地話無去錯叫我地入餐廳坐低。。野食方便非常一般，價錢偏貴，野飲好似水咁。。如果嫌錢多同想俾員工西面的話可以一試，但不建議。貼錢買難受嘅一餐，未試過有咁差嘅體驗。

見openrice食評咁好，襯住今日boxing date所以上去一試。Lunch set價錢百幾蚊一位，唔算好貴，整體食物質素ok嘅，尤其個拿破崙意粉係煮得幾好味，個豬手比較濃味但係都好食，但係男侍應服務態度非常差劣，基本上係全冇服務可言，後來有個女侍應就態度好好多，但係個男侍應嘅態度完全已經令我哋好反感。以上樓cafe而言，雖然食物味道ok，但以人均消費$160嚟講，零服務實在令人覺得性價比低，回頭指數絕對係零。