尚蓮越泰餐廳

營業中

休息中

原先呢間上年嘅質素都幾好，除咗會堂食有時有人嚟屋企我都會買外賣。會鍾意叫佢個咖喱牛腩燒雞同埋串燒。仲要帶過幾個朋友嚟食添。應該有半年冇過過嚟啦，今日見唔使排隊就入去食，我哋叫咗一個生牛肉河粉，另外要咗一個海鮮喇沙湯麵，再要一個冬陰功。海鮮喇沙湯米線個湯嘅顏色依然係算濃嘅，但味道就淡咗啲。不過啲料真係少之又少啊，有三個魷魚圈，一件豆腐卜，一隻細嘅蝦，同一隻青口。生牛肉湯河啲牛肉係好少嘅，個河粉底一個男人係唔夠食嘅。冬陰功湯我哋食完碗河粉都未到就再問，問完隔咗10分鐘又未到同佢講cancel。佢好快攞咗張單俾我由冬陰功湯嘅，我話啱啱咪同你講咗我cancel咗，然後即刻話2分鐘之後有你要唔要？可少由約$78-88一碗，加埋一接近$100碗。

同朋友聚餐，揀咗依間餐廳，深感失望。跟員工下單後等了差不多20 分鐘。第一次已經有催單，得到的確是員工敷衍，第二次有問，員工話等下。然後發覺隔離的顧客，遲來的都已經在吃，我們於是催單，第三次我們再問，員工們才去電腦檢查，於是發覺原來我們這餐桌還沒下單，讓我們白等了20分鐘，耽誤了行程。於是，另一名員工語氣不屑的問我們，咁樣現在幫你們落。我們感到生氣，感覺這間餐廳，員工們語氣有點不友善，態度亦深感一般，無視客人感受，連普通道歉也欠缺。奉勸大家小心這餐廳

🇹🇭🇻🇳東南亞菜 🚹1-4人 📸打卡——————聖誕節🎄正日嘅午餐，🐻🐻‍❄️想食啲反傳統嘅食物🤣就揀左呢間餐廳食「東南亞聖誕🎄午餐」🥥原個椰青海鮮焗飯有椰汁香，焗飯內有椰青肉，仲幾多👍🏽而且椰青肉同焗飯無違和感🐻‍❄️：椰青肉就好似大塊嘅菜，同焗飯完美融合白汁有啲椰香但唔會太濃，焗飯嘅海鮮有青口、帶子、蝦、魷魚，外面焗飯會有嘅材料～🐻：食落似炒飯底👍🏽🐻‍❄️：本來有少少擔心會唔會伏，但可以打卡、味道正常、都係真材實料，幾好👍🏽🥩馬沙文咖哩牛腩牛筋煲咖哩唔辣但有椰汁同香料味，幾好食😋牛筋牛腩唔係勁冧嗰種，有咬口但未到韌，同埋肉嘅份量幾多👍🏽🐻：忍唔住加左個白飯撈汁食🤤冬天凍凍哋撈飯食唔錯👍🏽🥑牛油果芒果軟殼蟹米紙卷米紙卷爽脆，點埋帶微酸嘅醬汁，清新又開胃👍🏽不過如果軟殼蟹再多啲會更好🌹泰式玫瑰奶茶初初以為玫瑰奶茶只係有淡粉紅色、好啱打卡嘅外表，先叫「玫瑰奶茶」，但呢杯真係有玫瑰味🐻🐻‍❄️：唔太啱我哋口味，但鍾意花茶同打卡就好啱～整體份量適中，小鳥胃啱晒👍🏽結論：兩個人總共食左$400多少少，幾啱打卡、午餐味道都ok，整體超越🐻‍❄️🐻期望👍🏽唔錯👍🏽

The food is not good, but the food is better than the service.食物不好吃，比食物更差的是服务态度。Go to others..

呢間嘢平時門口企滿晒人，今日可能比較早嘅關係，12:00去到，居然大把位選擇好快安排咗三人枱，可能睇見我哋都似係附近Office返工嘅人，直接就放低 lunch set menu ，見到隔籬枱都有 à la carte menu 好快趣一人叫咗一個lunch set, 仲包餐飲，熱飲免費但係等上菜嘅時間有啲耐，朋友嘅青咖喱飯一早到咗，但係我嘅泰式撈檬同埋另一個朋友叫黃咖喱就一路都未到等咗大概15分鐘，終於嚟到。份量OK，味道都唔錯，起碼對得住個價錢

非常唔好嘅經歷，食到一肚氣，叫左蒜蓉包，泰式春卷，炭烤豬頸肉，炭燒羊架，牛油薄餅等等…..同飲品及啤酒，落單後豬頸肉好快到不過係唔熱，蒜蓉包比較燶，春卷味道一般。等咗15分鐘白飯仲未到問侍應後再等多幾分鐘先拎出嚟！點咗杯象牌生啤差不多食完啲餸杯啤酒仲未到，已經係講緊半個鐘頭，跟住問個後生嘅女侍應，佢竟然同我講杯啤酒整緊心諗啤酒要整嘅咩？然後再等多10分鐘再問另外一個侍應佢即刻行去斟出黎！救命！炭烤羊架仲大鑊等到成個鐘同個侍應講完佢話幫我睇睇跟住冇咗聲氣再等15分鐘後問另外一個侍應佢竟然同我講燒壞咗個羊架，再製作中如是者再等多5分鐘終於等到！點知個三件羊架有一舊出盡九牛二虎之力都咬唔開！真心唔推薦，冇下次！

最近去咗東涌，無意中發現咗啲間泰越餐廳，發現環境唔錯，都幾闊落，就去試一試~🥢蛋包海鮮炒金邊粉 ：$108一開始睇餐牌既時候，見到啲蛋呈一格格咁包全啲金邊粉，覺得幾吸引，賣相幾精緻😍！啲金邊粉炒得幾乾爽👍🏻，而且隻蝦中間已經幫我地meet咗殼🤩所以食起上嚟非常方便HAHA🤣！🐷炭燒泰式豬頸肉：$98不錯，幾好食，面頭仲有啲香蔥同脆蒜👍🏻。🥘馬沙文咖喱牛腩牛筋煲：$108🍞蒜蓉包：$38（4塊）咖喱唔太辣，用嚟點蒜蓉包食一流😋！而且牛腩牛筋都好軟熟，仲有我至愛既薯仔🥔😍，好食！總結：上網見到好多人留言話服務差🙈，我今次覺得服務都不過不失了👀，臨食完個待應仲主動提供刀叉比我地分最後一嚿豬頸肉🤣。食物方面覺得都唔錯，會再encore啲間泰越餐廳！

落機見有啲肚餓，去東涌醫個肚，呢間餐廳食過好幾次，一直都整得幾好食，今次嗌左個午餐- 炭燒豬頸肉撈檬配熱菜蜜🤩👍豬頸肉經過炭燒後超好食，平時好多餐廳既都係瘦肉質，但係呢個佢係半肥瘦，連埋酸酸甜甜既魚露，超級好滋味。配菜幼細清新夠新鮮，拌埋撈檬花生碎無得頂。夏天食撈檬簡直係消暑佳品。餐廳好有空間感，亦有户外位置，不過好幾次來都無見佢開過門。中央冷氣好凍，女士們記得拎件外套著，or好似我甘，嗌杯熱菜蜜，跟餐係免費既，除非你嗌特飲啦，佢都有泰茶既選擇。👍🤩

其中一位年約40-50歲女服務員態度極差完全無視加扮聽唔倒客人請求轉身直接走，再叫一聲「唔該」才擰轉面，然後直接藐嘴。雖然呢間餐廳食物味道不過不失，但漏單及加上呢位咁嘅黑面女服務員態度，已經足夠影響呢間舖頭生意

第一次黎，同男朋友黎食晚飯。落左第一次單，等左5個字左右，一杯飲品都冇黎過！再叫多次人先知張單冇落過(條友同我哋寫完張單冇入過電腦)叫我哋重新落馬上幫我哋整，咁好啦再落過啦，隔左3分鐘左右個經理走過來問我哋last order仲有冇嘢要落？我心諗我第一杯飲品都未嚟喎 張枱仲要勁乾淨，飲都未飲添 我點知我仲有冇嘢落呢🤷🏻‍♀️之後係好快上菜，但都係落錯單！我叫豬頸肉炒米粉，佢嚟咗牛肉炒河，我即刻同上菜員講，但我男朋友話唔緊要啦整左就算啦，咁我唔出聲，之後我男朋友問我食唔食，即刻忍唔住燥，我係唔會食囉。我飲泰式玫瑰奶茶，勁重玫瑰味道一啲奶茶味都冇。個所謂乾炒牛河一般，仲衰過啲茶記。唯一覺得好味嘅只有飛天通菜。

今日真係熱死，出門行行下都係滿頭大汗。朋友傾訴住個「出走」計劃，佢請我哋試下東涌間嘅「尚蓮越泰餐廳」，聽講呢度嘅蛋包海鮮炒金邊粉、鳳梨軟殼蟹海鮮炒飯同馬拉盞炒通菜都好出名，令我充滿期待。肚餓程度：由於成日都出去行街玩，我哋已經餓到肚子咕咕叫，等唔及啲食物上枱啦。蛋包海鮮炒金邊粉：呢道菜用金邊粉炒得香氣四溢，加埋新鮮嘅海鮮，包住喺蛋包入面，食落去好豐富，每一口都令人驚喜。金邊粉本身已經係我哋最愛嘅，再加上呢個獨特嘅烹調方法，真係令人停唔住。鳳梨軟殼蟹海鮮炒飯：呢道菜嘅造型好特別，用鳳梨做碗，入面裝住香氣撲鼻嘅海鮮炒飯，再加上脆爽嘅軟殼蟹，色香味俱全。一食落去，鳳梨嘅甜味同海鮮嘅鮮味融合埋一齊，真係好開心。馬拉盞炒通菜：呢道菜係一道經典嘅泰式菜式，通菜炒得恰到好處，保留住啲蔬菜嘅嫩滑口感，再加上香辣嘅馬拉盞醬汁，帶嚟一股濃郁嘅泰式風味。呢道菜清新開胃，啱啱好平衡咗之前兩道稍微重口味嘅菜式。食完之後，我哋心情好滿足，雨天都因為呢個美味之旅變得溫馨啲。

尚蓮泰苑餐廳🌱黎開東薈城outlet買野見到呢間餐廳門口好多人排隊所以跟風拎左張飛諗住試下☺由於tea time食左少少野所以唔太餓😜我地叫左一個海鮮冬蔭公一個馬沙文咖哩牛腩牛筋煲同埋一份泰式牛油薄餅🥘個冬蔭公幾惹味入面有2，3隻蝦同蜆酸酸地好開胃 (＾▽＾) 個咖哩好濃味，用黎點牛油薄餅好正我地仲叫左碗油飯黎撈住食個人中意咖哩撈飯多過點薄餅，haha( ￣▽￣)σ🥣d牛腩牛筋就正常發揮ps.如果個咖哩同冬蔭公份量大少少就好了(*^ω^*)

離島人，所以當年新開張去食過一兩次，之後無再食。禽日無咩想食，見佢仲喺度(2023年)，又無咩人等，就畀多次機會佢。點知都係要同自己講 "唔使再嚟" 。 希望管理層會留意吓食物問題。鐵板炭燒原隻鮮魷魚😓 $108貨不對辦，浪費食物，唔知佢點可以整到鮮魷會無味，同其他食評一樣，下面 墊底 芽菜好食。 好想同經理講，等餐廳可以留意吓，但友人話 嘥氣。蒜蓉牛油雞中翼😓 $78 又係貨不對辦，浪費食物，無蒜蓉味，無牛油香，雞翼無味，外面炸漿超厚都係無味。火車頭河$88 👌🏾 生牛河 $78 👌🏾食物份量ok. 味道唔錯，唯一無食剩嘅食物。

1餐牌寫住「海南雞絲札肉湯粉」英文寫住sheedded結果嚟到係一舊舊雞問個待應，佢回應餐廳一直都係咁2叫咗3個午餐+一碟通菜午餐食咗9成，碟菜先出現仲要催先有！3女侍應態度欠佳，未問客人就調較客人背後嘅窗簾，阻礙用餐又未顧及客人所需。全程對答都令人唔舒服4客人想坐某個嘅位置，女待應唔俾，話係要留返招呼lunch time嘅客人，但當時已經12pm5放低熱奶茶嘅時候，態度衰過茶餐廳，就咁「pat」落枱，我同阿爸都為之側目總結，唔會再去！

～～放大假喇 ～～同老公先來一個東涌3日2夜嘅酒店staycation 先，之後飛曼谷🥰第一餐就揀咗泰國菜食 環境，裝修都好靚好舒服，再睇下食物相，都賣相精緻吸引。玫瑰紅奶茶，泰式綠奶茶，凍飲嚟講，個杯嘅容量真係偏小，外間凍飲通常杯身高D，呢間真心細杯。味道正常。越式生牛肉河粉，燒豬頸肉撈檬粉， 呢間餐廳係越、泰 cross over ～ 燒豬頸肉燒得唔差，色澤均勻，味道都唔錯。但生牛肉就好韌，好多位咬唔爛，逼住整塊牛肉片塞晒入口，𡁻咗好耐～ 湯底普通，食過有好幾間嘅牛河都比呢間出色小食拼盤入面，春卷，蝦餅最好食，讚👍 。柚子沙律用醬汁兜上，好似吝嗇咗啲，好細兜，同埋個汁又甜又鹹，感覺好似食剩嘅餸頭餸尾， 因為之前食開柚子沙律嘅醬汁唔係咁㗎，呢個係偏鹹，普遍做法都有蝦肉，但呢兜只係碎濕濕嘅柚子粒mix 咗醬汁咁就真係好似食淨咗嘅嘢 😞米紙卷入面有好豐富嘅菜，一定要沾醬汁先有味，不過我食嘅時候，重疊位置既米紙已經硬硬地，食唔到。沙嗲串燒，肉係冇問題嘅，有問題係兜沙嗲醬，我食到少少啲咁多多酸，我仲同老公講係咪滴左啲冬陰功湯上去，但佢就食唔到有酸，佢話正常沙嗲應該冇酸味，咁我哋就繼續食，最後