新三興。嚐鮮主理

營業中

休息中

年初四食團年，去咗依間位於土瓜灣新三興，預訂左佢哋農曆新年套餐。第一道菜係魚皮辣魷魚，辣魷魚比較偏辣好香口，魚皮爽口滑溜。佢哋個鮑魚伴糖心蛋，覺得佢哋個糖心蛋好好味，而且擺盤好靚。香滑雞煲翅雞味好濃郁，黃色嘅雞湯好香濃好足夠料。乳豬好脆，特選半肥瘦口感更佳，香脆又唔油膩。椒鹽蝦炸到脆卜卜，可以連殻一齊食。佢哋個炸蠔好淡好似冇調味，不過上面有柚子醬配搭，肥美嘅生蠔，外脆內軟香甜脆滑，感覺好新鮮。＄7088 （12位用)1.嚐鮮/賀年兩小碟2.冰鎮鮑魚伴溏心蛋3.香濃雞煲翅4.金牌乳豬多士5.椒鹽瀨尿蝦6.XO蔥爆龍躉球7.柚子炸桶蠔8.紅酒燴牛肋排9.上湯瑤柱浸豆苗10.招牌家鄉炒米11.精美甜品新三興 嚐鮮主理 (土瓜灣)土瓜灣北帝街107-111號福祥大廈地下1-2號舖

今次食咗一間好得意嘅飯店，新三興。哇，佢哋啲奶油蝦多士真喺正！啲蝦仁新鮮得嚟，啖啖肉，多士又脆又香，奶油味濃郁得黎又唔會膩口，食落咁滿足呀🤤！泰式豬手嘅話，啲皮脆嘶嘶作響，裡面啲肉嘔咁juicy，跟住泰式酸汁黎一嚟，真喺襯晒！飲杯凍啤嘩，冇得輸！講到家鄉炒米，啲米粒一粒粒分明，鑊氣十足，嗌咸香又唔過，咬落去啲米心仲帶啲微微嘅彈性，食客點唔多嘢嘅？真喺值得再黎幾轉！環境嗌企理，啱晒同班友人吓吓聲聲聊吓天。下次有得揀，我都想再試吓佢哋其他嘅招牌，嘩，一定要約返班朋友！食物質素同埋氣氛，真喺同香港嘅味道無分上下👍。响呢度食飯，有啲滿足又一點點驚喜，總之，食飯梗係要開心啦！若果想要一啖好味嘅本土美食，記得唔好錯過呢度啊！👌🍴😋

經同事介紹去試左呢間酒家，搭馬鐵過去宋皇台站行5分鐘就到了，非常方便。我哋事前叫食店準備左以下食物：（5為滿分）象拔蚌刺身 白灼花螺花刁蛋白蒸紅蟹酸辣大蜆煲水煮桂花魚盤龍鱔芝麻雞酥炸柚子桶蠔泰式焗豬手上湯龍蝦煎腸粉底乳豬多士一只臘味煲仔飯北菇雞煲仔飯胡椒豬土雞湯一只羊肚菌蟲草花燉老雞（大）以上係我食過個人評分。不計較地點，價錢合理，食物質素可以，如果一圍以上人數，可以訂房坐，會比較舒服啲，可以推介俾想去既朋友。

嘢食麻麻實際並非私房菜只為酒家或茶餐廳質素公平d講胡椒豬肚湯暖肚好味鵝肝煎得太熟牛舌煮得太老黑松露鳳梨蝦球係凍嘅性價比可接受‼️‼️以下先係重點‼️‼️重要問題為員工質素我哋坐坐下發現隔離枱有人食煙本身都算，但慢慢變咗真煙，比較臭頂唔順我先問員工：可唔可以叫隔離枱唔好食煙？佢話：佢哋好惡，叫唔聽我話：咁我去叫員工話：好呀，你去丫跟住我同收銀講唔該你叫停隔離嗰台唔好再食煙唔係我報警收銀先認真啲去同員工講唔可以咁樣

之前朋友黎過呢到食覺得幾好，今次約左幾個朋友去試下。電話book位後有員工whatsapp聯絡並比個menu（pdf）我，提我「私房菜」要提早預約。提早預約了金瓜奶油會開邊龍蝦/糯米雞翼/鹽焗奄仔蟹（各兩隻）及泰式瀨尿蝦六隻，全部菜式在員工提供的menu都係明碼實價。到場後嘢食都好味，另外叫左胡椒豬肚雞湯都好好味。因為之前已經預訂左私房菜的菜式，所以當日並沒有再特別查看餐廳內放置的菜牌菜式嘅價錢，呢個係其中一個失策位😫到埋單嘅時候，都無特別發現，當時只睇下數量啱唔啱，出門口後同朋友講，哇個龍蝦都好貴下要7百幾，大家先發現有古怪即刻睇單再對返員工sent的menu。基本上所有海鮮價錢都同佢地sent的menu唔一樣，最過分係龍蝦，menu $188/隻，現場收$388/隻。入去問返侍應，得到嘅回覆居然係：menu嘅價錢係錯；太難改所以無改到；個龍蝦好靚架係「花龍」出面都好貴架；而家我地改哂餐牌海鮮係時價架啦啊係啊whatsapp唔記得通知你sent比妳個餐牌價錢唔啱㗎；我地唔會呃人架（下刪三百字）係咁可以全程都無再講價錢，如果係時價whatsapp同我覆單預訂咩菜式數量比我個陣都隻字不提

一早10點喺外賣平台叫定12點外賣，諗住拎返工食。12點15分去到，門口阿姐話：冇呀部機冇響過呀！然後佢望一望部機，吖有單不過呢樣冇嗰樣冇。咁得啦下次唔食啦，同埋唔識做外賣唔該唔好做浪費大家時間

土瓜灣’新三興‘私房菜價錢茶餐廳質素 唔好當香港人係水魚！打算到呢間餐廳食飯都同我繞路走！星期一16/10 與同事一行9人到呢間所謂的私房菜餐廳。方方面面都有問題！1. 環境超差-因為有預約 我們坐上層，一上到去那陣陳年霉味，本以為可以一嘗IG所推崇的香港風味，但結果極為失望。2. 食物預約-打開餐牌想點的，網上推介的所謂招牌私房菜，全部原來都需要電話預定的。那我打電話預約時餐廳員工何解隻字不提？結果：侍應一句「你點的都要預先預約還要反白眼」這態度我想2002年劉德華的服務廣告已經奉勸了服務業不應該有這個態度。失望。3. 服務態度趕客走-點菜時已深深體會到餐廳‘特色服務質素’ 串咀，反白眼，未食共實已經飽飽地！呀姐你聽下人講野啦， 點完菜話即刻起菜，估唔到佢無幫我地起菜，等了20分鐘未有野食再問佢先話‘起得啦下話？8:30‘ 然後走法國菜流程，每道菜食完再上下一道！食住風咁吊住條隱？4. 食物圖不符-香港餐廳吃飯真係唔好睇圖，包你後悔莫及！私房菜的價錢相信大家都心中有數對食物都期望比茶記高，結果都是希望愈大失望愈大！第一道蝦多士是好食的，後面愈來愈唔對路，先唔好講鍋唔鍋氣食物，你都唔好

一行十人黎到土瓜灣搵野食由於多人同我地都比較嘈😂希望有間房或者角落比我地預早一星期book房，但房間已比人訂左，但餐廳都安排到樓上角落位置比我地訂位時，可以預留埋一啲要預先訂既菜式🍅 百香聖女果 $58蕃茄仔配上熱情果醬，十分開胃🦆 麻辣鴨舌 $68🐟 芥香爽魚皮 $60魚皮好爽彈，食落帶點芥末味，好食😋🐓 脆皮手撕雞 $588黎到既時候以為係普通炸子雞，原來面頭只係脆雞皮，揭開就係手撕雞😍🍤 荔枝蝦球 $188擺盤好精緻，蝦球配上面頭脆米，但味道偏淡🐟 藤椒蔥油蒸筍殻魚 $238黎到個樣相比其他菜式冇咁靚，魚肉好滑🍲 海鮮脆米泡飯 $582海鮮湯底食到好足料，再加埋粒粒脆米，好好食😋🦐 上湯琵琶蝦5隻配腸粉底 $920琵琶蝦肉質爽，但唔係好夠味，腸粉索左醬汁，但味道都係較淡🐟 日式吊燒鱔 $298燒鱔外層脆口，燒得剛剛好🌽 避風塘粟米 $88🥗 嚐鮮鮑魚小炒皇 $148🥬 梅菜肉沫蒸菜遠 $88🦑 醬爆魷魚鬚煲 $98煲內魷魚鬚都幾多，味道都好惹味🦑 牛油頭抽煎有米吊桶 $138每隻吊桶都釀有米粉，加埋牛油頭抽黎煎，食落幾香🐖 欖角柚子豬腩骨 $98上菜擺盤好精緻，豬腩骨咬落唔靭，加

食過好多次，每次都好好食，食物質素都好好，冬天既羊腩煲更加一流另外兩個煲都好惹味超級送飯乾鍋福花，唔會太乾身，微辣剛好爆炒魷魚鬚送飯一流好惹味，魷魚新鮮，爽口彈牙

昨日有朋友生日，一行四人去食嘢，其中一道菜係花竹蝦刺身，食概時候覺得好奇怪，冇正常花竹蝦咁彈牙，咁有鮮味，啲肉比較鬆，口感似赤海蝦，同平時去其他餐廳食嘅花竹蝦完全係兩樣嘢，初頭以為係啲蝦唔新鮮，或者係刀功唔同，所以有分別，但今日啱啱睇YouTube睇到花竹蝦的介紹, 原來有一種蝦叫紅花鬼蝦，個樣差唔多，但味道爭好遠，我估自己應該係俾人呃😅，大家小心！順便講埋其他菜式，唔難食，合格以上，可惜呢間咁樣做生意真係唔老實，唔推介！

新三興。嚐鮮主理一間不錯的私房菜！主廚煮餸都有功架最有記憶點係蝦多士蝦肉新鮮彈牙多士脆口，配上煉奶幾有特色胡椒豬肚雞湯都推薦大家，如果人少可以按人頭叫，湯濃，胡椒味比較重，雞肉嫩滑柚子炸美國桶蠔還不錯，但未到好出色，可能柚子配桶蠔不太夾有米吊桶豉油王炒吊桶，吊桶入面釀咗米粉，幾特別炒米粉呢個我真係幾推介，惹味好食Overall 都值得推介，價錢合理，下次去試下海鮮先！

公司午餐訂左枱黎食lunch🤪可以預先whatsapp book位同埋order菜式👍🏻👍🏻非常方便一共叫左3個午餐套餐加8樣菜式🥘岩岩好 每樣份量都正常 8人食岩岩好每款都每人食到💯1. 冰火魷魚🦑 （好好味！前菜冷盤，都算辣🥵但真係好惹味☝🏻🥹）2. 口水皮蛋（都好好味！😋）3. 有米吊桶🦑（幾特別，但唔知入面係咪有釀左糯米，整體都唔錯，值得一試）4. 金銀蒜蒸勝瓜（欣賞佢底到加左粉絲，正，但粉絲再淋少少仲正）🤭5. 奶油蝦多士（💯💯真係好好味🥹🥹必食，個底有啲似奶油脆豬，上面既蝦又啖啖肉 好味😋）6. 芝麻雞（呢個都好好味！🥰好香 雞肉都好嫩！）整體唔錯！野食好味 地方都乾淨！有機會會再試其他菜式😋😋🤭

如果您喜歡海鮮，那麼這家私房菜餐廳一定是您的不二之選。我最近去了這家餐廳，對他們的海鮮菜式印象非常深刻。首先，我強烈推薦他們的海鮮拼盤。這個拼盤包括了新鮮的蝦、蟹、海螺、扇貝等多種海鮮，每一種海鮮都非常新鮮，色澤鮮亮，口感鮮美。此外，他們的海鮮煲也十分出色，這個煲裡有蝦、蟹、鮑魚、魷魚等多種海鮮，湯汁鮮甜可口，每一口都讓人回味無窮。除了這些招牌菜式，他們的海鮮炒粉絲也值得一試。粉絲炒得十分入味，而且配上一些新鮮的海鮮，味道更加豐富。如果您喜歡辣味，那麼您一定要試試他們的麻辣海鮮燴飯，辣味十足，但同時也非常美味。最後，我還要提到他們的服務。這家餐廳的服務生非常友好和專業，他們會詳細介紹每道菜的特色和做法，讓您的用餐體驗更加愉快。總之，這家私房菜海鮮餐廳是一個非常值得一試的地方。他們的海鮮菜式都非常出色，而且服務也非常優秀，讓您的用餐體驗更加難忘。如果您喜歡海鮮，那麼請務必前往這家餐廳一試。

價錢合理，而且餸菜款式新奇及有創意，與一般中式餐廳不同，味道亦有驚喜，一定會再次幫襯！尤其是胡椒豬肚湯，我個人認為一定要試，環境及座位都是坐得舒服，不會太過擠擁！與朋友/家人一齊去非常合適！

朋友帶我哋去食土瓜灣私房菜當晚有10位 有私人房間 需預約當晚菜單大部分海鮮菜式都是需要preorder推介菜式冰火魷魚辣得黎好惹味👍🏼魷魚好爽口桂花紅茄好清新 甜甜地冰鎮鮑魚醃得好入味👍🏼泰式豬手炸得非常之香脆蝦多士上面淋上少少煉奶 幾得意🤭好好味👍🏼芝麻雞都好皮脆肉滑👍🏼東星脆米個魚湯好出色但條魚唔夠魚味冰火魷魚 桂花紅茄花膠螺頭燉雞龍蝦刺身冰鎮鮑魚伴糖心蛋川日花蛤皇泰式豬手蝦多士芝麻雞紅酒煮牛肋排東星脆米泡飯上湯菜苗蛋白杏仁茶