金玉滿堂

營業中

休息中

話說早排凍冰冰約埋成班朋友去左呢間金玉滿堂食羊腩煲，個Gas爐一放低就斜左一邊，原來無左隻腳，同店員講，佢竟然回覆「係咁架啦」聽完真係成個人暖晒～發滾添呀～不過佢之後都有換過個企得穩既爐比我。① 雙冬扣黑草羊腩煲 $368賣相唔錯，但可能羊腩鋪面浸唔到個汁，成班人一見到滾就搶食，食落件件都唔腍，徙晒！其實羊腩都幾大件，不過我地再等佢滾耐啲都唔夠腍。② 金玉麻辣花雕雞煲 $498被喻為店家必食雞煲，個煲好大個，一打開…都算好多料，花膠夠多夠大件，但雞就唔係好入味，肉質唔係好嫰。③ 黃金珍寶蝦球 $158呢個黃金蝦球一上枱就搶，相都無影，好食！個黃金醬撈飯一流！④ 黑椒薯仔牛柳粒 $138⑤ 魚香茄子煲 $108⑥ 生拆蟹粉扒豆苗 $138牛柳粒同茄子煲都係正常大排檔質素，至於個蟹粉扒豆苗就一般般，唔係好有蟹味。.整體覺得餐廳環境同服務都一般，特別一黎比侍應既回應拋疾左。當晚隔離枱有個客一坐落張櫈就爛左，成個人撻落地發出巨響！好彩人無事，餐廳除左致歉都識做送左兩枝啤酒。唔計個羊腩煲我唔知係咪我自己問題，其他食物質素就正正常常，唔突出，價錢唔算平，性價比唔算高。

經常經過這條街, 這次才能發掘到這間隱蔽餐廳 😁 餐廳門口有寫“旺角鯉魚門”, 除了多款雞煲外, 餐廳還著重海鮮, 都有很多不同類型的小菜, 餐廳招牌也顯示私房菜, 更看到旁邊客人點了酸菜魚, 種類之廣不用多說! 🤗金玉南非鮑魚烤雞煲 (小) $468鮑魚可以單隻叫, 每隻$75, 所以直接點雞煲感覺便宜了 😆 雞煲總共有四隻鮑魚, 每一隻都超大, 全部新鮮彈牙, 不過醬汁偏濃味會把本身的鮮味稍為遮蓋了, 不過也不是什麼大問題 🙂 輕輕用筷子支撐再用匙羹拉一拉就可以把鮑魚跟殼分開, 另外有海量雞件, 雞肉完全吸收了醬汁, 非常惹味! 😚 配料有香菇, 洋蔥, 少許辣椒, 整個煲都相當惹味 😋 母親說吃到有點麻脾, 我自己則不覺得有麻脾感, 況且有另一個雞煲是寫明是麻辣的! 廚師之前已經煮了整個煲, 但洋蔥還是有點生, 所以才煲多一陣子, 不過不能煲太久, 否則雞肉會變老。黑椒薯仔牛柳粒 $138牛肉切成細粒, 黑椒更加入味, 但又不至於過咸或過甜, 味道剛剛好 👍🏻 通常這菜肴師傅都會先走油, 所以先經過油炸, 它的牛柳粒口感稍有脆邊, 但絕對不會乾如柴, 牛肉軟腍味美 😃 而薯仔都炆

露天街市好有香港特色，好似呢條煙廠街咁，短短地已經有好多地道民生店販，好值得去睇睇，除咗有嘢睇之外仲有好嘢食，今次去呢間中菜館亦都係非常地道，雞煲出名之外，見佢門口擺放咗魚缸，海鮮仲非常新鮮👍🥢東風螺海蝦雞煲(細煲)$388滾起香氣四溢，叫咗少辣已經非常惹味，雞件有口感又入味，海蝦爽彈鮮甜，東風螺爽脆新鮮，裏面仲有啲紫洋蔥及蒜頭，煲到腍哂食好正🥢雲勝炒鮮魷$138鮮魷新鮮爽口，除咗雲耳同勝瓜之外仲有紫洋蔥，而且仲有好多蒜蓉一齊炒，非常惹味

12月中，聖誕節前，參加咗食團安排嘅晚餐聚會，想食呢間好耐，幸運地今次可以去試吓。我哋叫咗勁多野食，最推介有羊腩煲，叫咗大份，記得要成5百蚊，份量有比足，羊腩有少少so味，幾好，大家普遍接受到嘅程度，肉質炆得夠淋，又夠入味。小炒皇，蝦米夠咸香，分量唔算多，夠煱氣呀。雞煲都好味，唔覺辣，應該係香港酒樓煮法，味道夠濃，可以一試°糖醋咕嚕肉，黃金珍寶蝦球，焗美國桶蠔，呢3個都推介，惹味。其餘的例如酸菜魚，鹵水鵝就相對普通啲。不過都係唔差。餐廳環境就好逼下，得10張枱上下，人手唔夠不過佢哋都好好，盡量做同回應都快嘅。上菜速度都可以。始終地方逼，大家都係食完就走。

半年前跟爸爸到訪過煙廠街的中菜館「金玉滿堂」，食材跟出品皆令我們滿意，今天再訪品嚐新推出的雞煲菜式----------🔹金玉招牌龍蝦雞煲 (細煲) $488點選微辣，香辣惹味帶麻香選用澳洲新鮮龍蝦，厚肉雪白，新鮮爽彈；雞肉緊緻嫩滑；配搭紫洋蔥、洋蔥及蒜頭等，豐富美味推介指數：9/10----------🔹魚湯雜菜煲 $98材料豐富有西蘭花、白菜、菜心、紹菜、金菇、黑珍珠菇、蝦乾及粉絲魚湯鮮甜不膩，材料鮮嫩入味，配搭鮮甜蝦乾，滋味又健康推介指數：9/10----------🔹金象絲苗白飯 $13🔹烏龍茶 $18----------❣用餐後負責人更送上優惠券，於下次消費滿 $500 時即可免費換購小菜一款 (6選1)

之前羊腩煲關注組第一位冬天嚟過食羊腩煲 勁出色！地方有啲難搵 大牌檔風味嘅環境真係抵食又好食~但冬天已過，今次嚟挑戰雞煲！嗌咗個蜆肉大蝦雞煲，小小辣果然冇令人失望，我媽最欣賞佢調味調得啱啱好，唔會太鹹太濃味而係一路滾住 令佢嘅味越嚟越出，好食~👍🏻🙂‍↔️雞件大概有半隻左右，唔會切到好細好碎(最怕啲雞斬到好多碎骨😖)大蝦都冇姑寒，比足7大隻咁多~啲蝦吸哂雞煲醬精華，真係想殼都食埋🤣蜆嘅份量都唔少，可惜有幾隻冇開黃金鮮魷上次嚟嗌咗椒鹽鮮魷，比佢嘅薄脆炸皮驚艷到！傳統嘅炸鮮魷嘅炸衣係非常之薄，但係因為難整，而家出面好多已經係皮厚嗰隻！呢度師傅手工非常之好，炸到好薄好脆！今次試咗黃金鮮魷，每一嚿先有出面都包滿晒鹹蛋黃，好香好惹味！小炒王從來未食過咁足料嘅小炒王，上次食完都係念念不忘，今次帶屋企人再食！除咗有韭菜花、腰果、蝦呢啲基本材料之外，仲有櫻花蝦、魷魚等等全部都勁足料！仲要炒得唔油膩，送酒一流！呢間小店有啲隱世，但真係寶藏嚟，啲野唔貴，勁有鑊氣，份量都好夠，係可能坐得地道啲~但絕對好滿意，啲侍應哥哥都好有禮貌😆

「金玉滿堂」推出咗唔少種類雞煲😉😉一於去試下.花蛤海蝦雞煲(細)🍲雞肉嫩滑厚肉🤤🤤🤤花蛤同海蝦都鮮甜🐚🐚.蒜蓉蝦乾蒸勝瓜🥒勝瓜軟腍多汁😛😛😛蒜蓉同蝦乾令勝瓜變得鹹香惹味🧄🦐🦐.准杞螺頭燉雞湯🥣燉湯清甜足料😍😍有唔少螺頭😋😋雞肉亦唔會煲到老晒🐓加上杞子就更好滋潤☺️☺️.麻香爽魚皮🐟魚皮果然夠爽彈😆沾上芥末豉油又係另一種風味🤪🤪.茉莉綠茶(2枝)🍵🌼

位於旺角嘅❣︎金玉滿堂❣︎係一間粵菜中菜館，呢到非常滿場，要食記得提早訂位💁🏻‍♀️，呢到多款嘅招牌雞煲，引來一班捧場客，我眼見幾乎每枱都叫一煲🙂‍↔️門口仲有魚缸養住啲海鮮🦞保證新鮮，全場海鮮九點後仲有八五折添🤑想食嘅千祈唔好錯過呢個優惠。❣︎金玉招牌龍蝦雞煲❣︎細煲$468上枱時連埋gas爐一齊上，保證食得熱辣辣🤤一打開個煲蓋香噴噴，份量十足👍🏻龍蝦超新鮮彈牙😋雞件嫩滑，個煲嘅醬汁較得好惹味，配菜有芫荽，紫洋蔥，菇菌都索晒味，好快手我地就成煲食晒😋超推薦🤟🏻❣︎蒜蓉蝦乾蒸勝瓜❣︎$108啲蝦乾好大隻，香口惹味，配埋爆香左嘅蒜蓉拌落青瓜到，食落鮮香美味。

👦🏻👧🏻行街經過旺角煙廠街見到呢間中菜館門口嘅魚缸擺放咗好多生猛嘅海鮮，特別係龍蝦大大隻好吸引！原來呢度最出名海鮮菜同雞煲，咁就一於試吓佢哋嘅「金玉招牌龍蝦雞煲」先😍！🦞金玉招牌龍蝦雞煲 細煲$468上枱已經聞到香噴噴～ 龍蝦同雞件嘅份量都好足，龍蝦肉雪白鮮甜爽彈，雞件嫩滑入味，加上自家製微辣雞煲醬汁同豐富嘅吸汁配料，有芫茜、紫洋蔥、菇菌等等，令味道更豐富！💛七味豆腐 $65粒粒豆腐切到大小細唔多，炸完後嘅豆腐外層香脆，內裏滑溜，配上炸蒜同七味粉，令豆腐變得惹味😋！如果會飲啤酒，好推介嗌呢款小食！小店依架做緊優惠星期日至四惠顧滿$500，可以免費換購以下小菜一款，真係啱哂同朋友聚會阿🥳！🔸白灼蝦 半斤 🔸菜甫肉鬆煎蛋角 🔸糖醋咕嚕肉 🔸干鍋香辣肥腸 🔸避風塘雞軟骨🔸蝦醬蒸五花脯片📍 金玉滿堂 (旺角)旺角煙廠街6-20號華新大廈地下14-14A號舖

金玉麻辣花膠雞煲（細），$268💰花膠雞煲新鮮的花膠和嫩滑的雞肉為主要材料，配以辣椒和蔥香料烹飪而成。香氣撲鼻而來，花膠的彈牙口感，麻辣味道濃郁，花膠質地彈牙，雞肉鮮美多汁🐔金玉滿堂一品炒飯，$138💰炒飯色澤金黃，米粒飽滿，每一口都散發著香氣。炒飯中加入了新鮮蔬菜和蝦仁，口感豐富多樣，米粒保持了彈性，配料的鮮美口感米飯粒粒分明，帶有濃郁的鑊氣🍚黑椒牛仔骨，$148💰牛仔骨都帶著濃郁的黑椒香氣。咬下去，肉質鮮嫩多汁，配合著黑椒的香辣味道，簡直是一種美味的享受。內裡肉質柔嫩🐮椒鹽脆鮮魷，$108💰外層裹上了一層酥脆的椒鹽粉，每一口都帶著脆爽酥脆的口感。鮮魷肉質鮮嫩，椒鹽的香氣鹹香味道完美，魷魚新鮮，椒鹽味道恰到好處🦑整體環境坐得幾舒適😀服務態度店員好服務親切☺️食物份量夠哂大份，適合同朋友一齊聚餐😁

跟老友在旺角開餐，佢帶我到呢間位於煙廠街的#金玉滿堂，品嘗一下特制雞煲，一齊嘆下慢慢享用，邊飲住啤酒邊嘆下美食，就過左一晚開心又滿足的晚上了🌃。金玉招牌龍蝦雞煲，招牌菜之一，店舖用了秘製醬汁，上菜時香噴噴又好大煲，足料夠晒2人享用，小的辣度令更香口惹味，食落味道香甜爽辣非常之讚。龍蝦🦞新鮮，咬落肉質爽彈鮮甜，雞肉的份量亦很多，煮得夠晒入味，配菜的紫洋蔥、菇菌都很索汁，再加配了小白菜，我哋都食到舔舔脷，好快就比我地清左佢了。本想再點其他菜式，但大家都飽飽，要留待下次約多些朋友黎，一齊食多啲了。

今日同朋友聚餐，佢話呢間係佢近期食過最好食嘅餐廳，所以我今日決定同佢試吓係咪真係咁好食😉雖然佢喺旺角嗰頭，但係其實都要搵到都唔容易，如果佢冇介紹我都冇留意過呢度有間餐廳，入到去時間尚早，都可以Walk in度，坐低就嗌咗個招牌海蝦花甲雞煲食住先😚之後侍應就叫我哋可以join佢嘅WhatsApp group，咁就可以得到一份麻油魚皮，魚皮都夠爽脆而且麻油味好香而不濃，作為一個前菜都係一個唔錯嘅選擇👍🏻之後雞煲好快就拎上枱，要再喺枱上面滾多幾分鐘之後就可以食，店員一開個蓋即刻香味撲鼻，再炒多兩炒氣味更加濃郁，俾佢搞到食指大動，急不及待已經夾雞嚟食，首先佢雞皮已經呈現焦香狀態，香口到不得了，而且每件雞size亦都唔會好細有足夠嘅肉食到落肚，而且個味道非常濃郁，令人一食再想再食，果然係我近期食過最好食嘅雞煲🤤入面都有唔少花甲，每個花甲都沾滿着濃濃嘅雞煲汁，簡直係完美配搭，鮮甜又惹味，而佢個海蝦都好大隻，食落都中規中矩😝見佢呢度啲煲整得咁出色，所以就再叫多個沙嗲肥牛粉絲煲嚟送飯，呢個亦都係冇錯，味道絕對令人滿意，每方面到相當平衡，粉絲肥牛都相當有沙嗲嘅香味，送飯一流，唔使一陣就已經有清晒成個煲🤣

朋友推介嚟到旺角嘅金玉滿堂，店門口有生猛海鮮，有大枱可以一大班人食都得～呢度有多款不同海鮮嘅雞煲選擇，今次兩個人食就叫咗個花蛤海蝦雞煲～味道好夠香濃，有少少辣幾惹味，海蝦大大隻吸滿醬汁肉質彈牙，雞件煮得剛好嫩滑～另外，叫咗兩款小菜～餐牌有好多選擇～黃金脆鮮魷，脆口外皮，蛋黃醬味道唔錯～生煎粟米墨魚餅，厚身彈牙，點醬食味道就岩岩好～店舖有做緊優惠，入群組可以有返碟爽魚皮送，幾好食，爽彈口感，開胃小食～有優惠券食夠$500可以有小菜一碟～幾抵！

位於旺角煙廠街，有間小抄餐廳，裝修好地道嘅中菜館，我比佢哋嘅花膠雞煲吸引咗入去，上菜嘅時候真係好大驚喜，估唔到二百幾蚊嘅雞煲，入面有咁多塊花膠，成件事好有誠意，而且末味道真係幾好味，花膠炆得好琳，加埋雞煲嘅醬汁，煮得好入味，特別適合濃口咪既人。兩隻北海道蒜蓉粉絲蒸帶子，上菜嘅時候，好好味，特別要讚一個咁簡單而且便宜嘅菜式，可以煮得咁好味，其實一啲都唔簡單，好鍾意食佢哋呢啲傳統嘅小菜館，所有食物好夠鑊氣。最後飲埋佢個杞子螺頭燉雞湯，香濃嘅高湯加埋螺頭既鮮甜，成碗湯都飲曬。

間唔中都會去金玉滿堂度食雞煲，今次試吓花甲海蝦雞煲，我都幾食得辣嘅，所以就揀咗小辣，對於我嚟講辣度啱啱好撈完一輪之後，蝦嘅味道其實都會滲入汁入面，會越嚟越香，花甲嘅尺寸唔算大隻，不過都係非常鮮美，配上汁就更加好食，蝦都係大隻新鮮，雞件嫩滑，兩個人食細雞煲都好夠食，入面嘅香菇同埋熟蒜頭都好惹味椒鹽排骨：先將排骨拎去炸，然後再以椒鹽相配，上面嘅炸蒜香脆可口，排骨係比較肥，肥膏同肉勻稱，比較邪惡嘅選擇另外就順便試吓魚皮，魚皮好爽，但唔會有腥味，仲可以點有麻油同Wasabi嘅豉油，幾啱佐酒