旺角樓上店好滋味

日常料理 (旺角)

今日wfh 關係留咗響屋企，lunch想食外賣，買外賣就當然要撐黃店啦💪疫情之下好多嘅店舖紛紛都作出優惠，我知道旺角一啲黃店佢哋組成左「小旺角聯盟」相繼推出優惠去互撐和自救，好似唔單止餐廳仲有其他商舖，今日我幫襯呢間日常料理就係其中之一。 .

其實呢間日常料理舖係我屋企附近，佢喺彌敦道575號一個商廈嘅5樓，我之前都懲罰過，當時仲未有限聚令，晚上佢都幾full要等位㗎，但係我今日lunch 12:30上到去，本來應該正值lunch嘅黃金期，但我所見真係得兩三枱客，仲要冇乜人買外賣，晚上有冇得做堂食，疫情和限聚令對佢哋嘅生意的影響真係好大😖所以如果大家要買外賣真係真係請優先幫襯同路人🙏🏻🙏🏻🙏🏻同埋記得自備環保膠盒thx!

講返我嘅lunch，原來佢呢度外賣自取有八折，呢幾日都紛紛有popo中招，就叫個最貴嘅滑蛋三鰻魚丼賀賀佢啦！見到佢有豬軟骨飯我又想食😋另外再點左我鍾意嘅千島醬單骨雞翼同埋我想食嘅蟹肉忌廉可樂餅。買單八折咗之後$174，可能你會覺得食個lunch使唔使食百幾蚊，一來我個人比較大食😋百幾蚊有咁多嘢食我覺得幾抵，二來我平時個人就好慳，但係食方面同埋旅行我就一啲都唔慳，我都覺得今年去旅行都冇望㗎啦，我只係將我每年本身預去幾次旅行嘅花費慳返用落去食果方面，尤其是呢段期間支持返黃店，食得豐富啲個人都開心啲呀😋😋😋

佢哋煮得都算快大概等咗15分鐘就攞到，買完外賣極速返屋企啦，首先當然食我最喜愛嘅滑蛋三鰻魚丼(折後$70) 佢係日式嘅做法，將一條鰻魚切開，滑蛋有洋蔥甜甜地，個鰻魚雖然唔係話好大塊但係相當厚，口感唔會過分淋，係肉質有啲彈性嘅鰻魚，加上鰻魚汁配埋個珍珠奶茶相當開胃😋👍

開咗胃就要食埋另一個豬軟骨飯(折後$48)啦，佢選擇嘅都係比較大件厚身嘅豬軟骨，份量都好多有成四大件，佢嘅豬軟骨同我想像中嘅有啲出入，並唔係入口即溶嗰一款，反而係相對有咬口，你係需要用啲力先至咬得爛嗰啲軟骨嘅，如果你係追求入口即溶嗰隻豬軟骨呢款可能會令你有啲失望。但係咁樣嘅煮法會保留到個肉味同埋較有口感，好睇個人喜好，我自己就偏好入口即溶嘅🤣因為冇乜牙力🤣

另外我買咗嗰兩款小食, 千島醬單骨雞翼（折後$32）最啱我呢啲鐘意食雞翼嘅懶人，我鍾意佢炸得啱啱好配埋千島醬係好邪惡但係好惹味啊! 上次食過一試難忘，今次保持到水準😋👍另外我上次食過佢嘅可樂餅我覺得好好食😋今次試吓佢嘅蟹肉忌廉可樂餅，同樣地都係炸得外表金黃好靚😍外脆內軟，中間嘅忌廉好出，但係蟹肉味就無乜😅不過折咗之後$24有兩個真係幾抵👍

今日嘅lunch我食得好滿足呀😋🤣，我覺得黃店最好味嘅地方係佢哋加咗良知作調味，都係果句，如果大家反正都要嗌外賣就去多啲支持返同路人嘅餐廳，希望佢哋可以渡過呢段難捱嘅日子💪💪💪加油呀！ . P.s 我啱啱見到日常料理IG推出左$20咖喱雞飯啊好吸引呀！大家都多d去支持下佢地吖！ . 日常料理 (旺角) 地址：旺角彌敦道575號Ladder Dundas5樓

今日wfh 關係留咗響屋企，lunch想食外賣，買外賣就當然要撐黃店啦💪疫情之下好多嘅店舖紛紛都作出優惠，我知道旺角一啲黃店佢哋組成左「小旺角聯盟」相繼推出優惠去互撐和自救，好似唔單止餐廳仲有其他商舖，今日我幫襯呢間日常料理就係其中之一。 . 其實呢間日常料理舖係我屋企附近，佢喺彌敦道575號一個商廈嘅5樓，我之前都懲罰過，當時仲未有限聚令，晚上佢都幾full要等位㗎，但係我今日lunch 12:30上到去，本來應該正值lunch嘅黃金期，但我所見真係得兩三枱客，仲要冇乜人買外賣，晚上有冇得做堂食，疫情和限聚令對佢哋嘅...